• Latest news

Բժշկական անեկդոտների կիրակնօրյա ընտրանին

19 հոկտեմբերի, 2014  12:28

NEWS.am Medicine-ը Ձեր ուշադրությանն է ներկայացնում բժշկական անեկդոտների փոքրիկ ընտրանի, որը կբարձրացնի Ձեր տրամադրությունը:

1.

Չափազանց հայտնի մի դերասան որոշում է օր ծերության տեղափոխվել ծերանոց: Երեկոյան գեղեցիկ հագնվելով՝ գնում է ընթրելու եւ նստում մի ծեր կնոջ կողքին.

- Գիտե՞ք, թե իմ անունն ինչ է,- հարցնում է նա:

- Ոչ, ես չգիտեմ, բայց Դուք կարող եք հարցնել հերթապահ բուժքրոջը…

2.

Տղամարդը հենց խաչմերուկում կորցնում է գիտակցությունը: Նրա շուրջ ամբոխ է հավաքվում, իսկ բոլոր ուղղություններով խցանում է առաջանում: Մի կին շտապում է օգնության. ծնկի գալով նրա մոտ՝ թուլացնում է օձիքը: Այդ ընթացքում ամբոխից մի տղամարդ, մի կողմ տանելով նրան, ասում է.

- Ամեն ինչ կարգին է, սիրելիս: Ես առաջին օգնության դասընթաց եմ անցել: Ես կօգնեմ նրան:

Կինը մի կողմ է քաշվում եւ սկսում հանգիստ հետեւել, թե ինչպես է նա շոշափում անգիտակից պառկած տղամարդուն եւ պատրաստվում է արհեստական շնչառություն տալ: Այդ պահին կինը ձեռքը դնում է նրա ուսին եւ ասում.

- Եթե հանկարծ հասնեք «Կանչել բժշկին» բաժնին, ես արդեն այստեղ եմ:

3.

Կինը՝ հոգեբույժի մոտ.

- Գիտեք, իմ ամուսինը հոգեկան լուրջ խնդիրներ ունի: Կարծում է, որ նա՝ այդ ես եմ, իսկ ես՝ ինքը…

- Ձեր ամուսնուն ինձ մոտ բերեք:

- Իսկ ինչո՞ւ բերեմ: Հենց ես եմ ամուսինը…

4.

Դատարանում.

Փաստաբան. Բժիշկ, Դուք դիահերձումից առաջ նրա զարկերակը ստուգեցի՞ք:

Վկա. Ոչ:

Փաստաբան. Իսկ արյան ճնշումը չափեց՞իք:

Վկա. Ոչ:

Փաստաբան. Ստուգեցի՞ք, որ չի շնչում:

Վկա. Ոչ:

Փաստաբան. Այսինքն՝ հիվանդը կարող էր դեռեւս ողջ լինել, դիահերձումը սկսելիս:

Վկա. Ոչ:

Փաստաբան. Ինչո՞ւ եք դրանում այդքան վստահ, բժիշկ:

Վկա. Բանն այն է, որ նրա ուղեղն ինձ առանձին էին բերել:

Փաստաբան. Չնայած դրան, Ձեր հիվանդը կարող էր դեռեւս ո՞ղջ լինել:

Վկա. Բնականաբար: Եվ նա նույնիսկ կարող էր փաստաբան աշխատել:

5.

- Հազո՞ւմ եք:

- Հազում եմ:

- Ծխո՞ւմ եք:

- Ծխում եմ:

- Ի՞նչ եք ծխում:

- «Բելոմոր»:

- Գոնե «Camel»-ի անցնեիք:

- Ինչո՞ւ, բժիշկ: «Բելոմոր»-ից հազն ավելի էժան է:

6.

Հրեայի ատամը ցավում է: Ատամնաբույժը զգուշացնում է.

- Անզգայացմամբ երկու անգամ ավելի թանկ է:

Հրեան համաձայնում է անզգայացմանը եւ չվճարելով՝ փախչում:

Երեկոյան ատամնաբույժը սրճարանում պատմում է գործընկերոջը.

- Տարօրինակ պատմություն է: Այսօր ինձ մոտ հրեա եկավ, անզգայացում խնդրեց, իսկ հետո փախավ:

Մյուս ատամնաբույժն ասում է.

- Դա դեռ ի՞նչ է: Այսօր ինձ մոտ մի հրեա եկավ եւ խնդրեց ատամն առանց անզգայացման հեռացնել:

7.

Բժիշկ - Դե, հայրիկ, ինչպե՞ս եք զգում նոր լսողական սարքով:

Հիվանդ - Շատ լավ, բժիշկ: Ես արդեն երեք անգամ փոխել եմ կտակս:

8.

- Դուք ինձ մոտ կարծես եղել եք,- հիվանդին ասում է բժիշկը:- Հիշեցրեք Ձեր ազգանունը…

- Սեմյենով:

- Պրոստատի՞տ:

- Ոչ, Նիկոլայ:

9.

Հրդեհ հիվանդանոցում: Հրշեջները մարում են այն եւ զեկուցում գլխավոր բժշկին.

- Հրդեհը մարված է: Նկուղում երեք տուժած կա: Երկուսին փրկեցինք, երրորդին չհաջողվեց:

Բժիշկը կորցնում է գիտակցությունը: Անուշադրի սպիրտով ուշքի են բերում:

- Տղեք, նկուղում մեզ մոտ անատոմիկն էր:

10.

Բժշկի սպասասրահում երկու թոշակառուների զրույցը.

- Այս բժիշկներն ագռավի չանչերի նման են գրում: Դեղատոմսից գլուխ հանել հնարավոր չէ:

- Լավ է: Ես իմ դեղատոմսով մի ամբողջ տարի անվճար երթեւեկել եմ տրամվայով, կես տարի թատրոն եմ գնացել, իսկ հիմա գնում եմ կանացի հարցերով միջազգային սիմպոզիումի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է