• Latest news

Երեւանում քննարկվում է ասբեստի վնասակարության հարցը

22 հոկտեմբերի, 2014  11:45

Երեւանում ընթանում է սեմինար՝ նվիրված ասբեստին եւ դրա պատճառով առաջացող առողջական խնդիրներին:

ՀՀ առողջապահության փոխնախարար Սերգեյ Խաչատրյանը լրագրողների հետ զրույցում ասել է, որ ասբեստը հանրային առողջապահական խնդիր է, քանի որ կանցերոգեն (քաղցկեղածին) ամենավտանգավոր նյութերից մեկն է:

Ցավոք, Հայաստանում բազմաթիվ շինություններում մարդիկ օգտագործել են ասբեստ պարունակող շինանյութեր՝ չիմանալով դրա վտանգների մասին: Դրանք բավական շատ են, օրինակ, ասբեստե թիթեղները: Իսկ «մութ ու ցուրտ տարիներին» շատ հայեր ասբեստի խողովակներից վառարաններ էին պատրաստում եւ տաքացնում էին տները, ինչը կարող էր լուրջ վնաս հասցնել նրանց առողջությանը:

Փոխնախարարի խոսքով՝ ասբեստ պարունակող շինանյութերը հարկավոր է փոխարինել այլ՝ անվտանգ նյութերով, բայց դա մեծ ծախսերի հետ է կապված եւ միանգամից հնարավոր չէ անել: Սակայն ուրախալի է այն փաստը, որ վերջին տարիներին նոր շինանյութեր են ներմուծվում, եւ ասբեստե թիթեղների օգտագործումը նվազել է:

«Մենք գտնում ենք, որ այս խնդրին անհրաժեշտ է պետական մոտեցում: Այսօրվա սեմինարը հենց այդ նպատակին է ծառայելու: Փորձի փոխանակում ենք իրականացնելու այլ երկրների հետ, որպեսզի լավագույն որոշումները եւ լուծումները գտնենք եւ կարողանանք միջոցառումներ իրականացնել այս ուղղությամբ», - ասել է փոխնախարարը:

Ինչ վերաբերում է ասբեստի պատճառով առաջացող խնդիրներին, փոխնախարարը նշել է, որ 40 տարվա ընթացքում Հայաստանում ասբեստի պատճառով առաջացող ասբեստոս հիվանդության ոչ մի դեպք չի գրանցվել: Բայց խնդիրն այն է, որ ասբեստը որպես կանցերոգեն նյութ կարող է նաեւ այլ հիվանբդություններ առաջացնել, օրինակ՝ օնկոլոգիական:

Փոխնախարարը խորհուրդ է տալիս փոխարինել ասբեստ պարունակող նյութերը՝ բնակարաններում եւ աշխատավայրերում՝ ավելի անվտանգ նյութերով:

Ռուսաստանի գիտությունների ակադեմիայի ակադեմիկոս Նիկոլայ Իզմերովը իր հերթին ասել է լրագրողներին, որ ասբեստի տարբեր տեսակներ կան, եւ բոլորը միանման վտանգավոր չեն: Որոշները իրոք ծայրահեղ կանցերոգեն են, սակայն կան նաեւ անվտանգ տեսակներ: Այս պատճառով, ըստ նրա, այսօրվա սեմինարի մասնակիցները պետք է փորձով եւ գիտելիքներով փոխանակվեն եւ որոշեն, թե ԱՊՀ երկրներում ինչպես արժե վարվել ասբեստի հետ եւ արդյոք արժե ամբողջովին հրաժարվել դրա օգտագործումից:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է