• Latest news

Ուղեղի միջբջջային միացությունների պահպանումը՝ Պարկինսոնի հիվանդության բուժման բանալի

23 հոկտեմբերի, 2014  17:43

Վերջերս իրականացված հետազոտությամբ նոր բացահայտումներ են ձեռք բերվել, որոնց օգնությամբ առաջիկայում Պարկինսոնի հիվանդության բուժմանը միտված առավել արդյունավետ միջոցների մշակման մի շարք հնարավորություններ գործի կդրվեն:

Լոնդոնի համալսարանական քոլեջը ներկայացնող գիտնականները լաբորատոր մկների նկատմամբ իրականացված փորձարկումների արդյունքում, մասնավորապես, պարզել են, որ կրծողների մոտ սինապսների՝ ուղեղի բջիջների միջեւ գործող միացությունների կորուստը կարող է Wnt անվամբ հայտնի սպիտակուցների սխալ աշխատանքի արդյունքը լինել: Եթե հետագայում հնարավոր լինի ապացուցել, որ հենց հիշյալ սպիտակուցն է Պարկինսոնի հիվանդության առաջացման պատճառներից մեկը հանդիսանում, կարելի է փորձեր ձեռնարկել՝ դրա վրա համապատասխան ազդեցություն ապահովող եւ, արդյունքում, հիվանդության առաջացումը կանխարգելող դեղամիջոցների մշակման ուղղությամբ:

Այսօր Պարկինսոնի հիվանդությամբ ախտորոշված հիվանդների մեծ մասը Լեւոդոպ անվամբ հայտնի դեղամիջոցի օգնությամբ է բուժում ստանում: Այն դեռեւս 50 տարի առաջ է գործածության մեջ մտել եւ հիվանդության ախտանշանները քաղորկելու, բայց ոչ՝ բուժելու, ներուժ է դրսեւորում: Հիվանդությունը բուժող կամ թեկուզ զարգացումը դադարեցնող դեղամիջոցներ դեռեւս չեն մշակվել:

Պարկինսոնի հիվանդությունը դանդաղ զարգացող քրոնիկ նյարդաբանական խանգարում է, որի առկայության պարագայում գլխուղեղի նեյրոնները քայքայվում են եւ մահանում: Ներկայումս երկրագնդի ավելի քան 7,5 մլն բնակիչներ այս հիվանդությամբ են տառապում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել