• Latest news

Օբաման առաջընթաց է արձանագրել՝ Էբոլա տենդի դեմ պայքարում

23 հոկտեմբերի, 2014  09:46

ԱՄՆ նախագահ Բարաք Օբամայի համոզմամբ, Էբոլա վիրուսի տարածման դեմ պայքարի շրջանակում որոշակի բարելավում է նկատվում: Այդ մասին նա ԱՄՆ վարչակազմի՝ հեմոռագիկ տենդի դեմ պայքարի համար պատասխանատու ներկայացուցիչների, այդ թվում նաեւ՝ վերջերս նշանակված «ցար» Ռոն Քլեյնի հետ հանդիպման ընթացքում է հայտարարել: 

Նախագահի խոսքով, երկրի Տեխաս եւ Օհայո նահանգներում գործող բուժհաստատությունները ներկայումս լիովին պատրաստ են վիրուսի դեմ պայքարին, Reuters գործակալությանը վկայակոչմամբ հաղորդում է ՌԻԱ-Նովոստին:

Նախագահը նաեւ նշել է, որ Էբոլայից մահացած լիբերիացու ազգականներն այլեւս ազատված են կարանտինից, իսկ հիվանդի բուժման ընթացքում մահացու վտանգավոր հիվանդությամբ վարակված երկու բուժքույրերը որոշակիորեն ավելի լավ են զգում իրենց:

ԱՄՆ նախագահը հուսադրող է համարել նաեւ Առողջապահության համաշխարհային կազմակերպության կողմից հնչեցված հայտարարությունն առ այն, որ Նիգերիայում եւ Սենեգալում Էբոլայի համաճարակը դադարեցվել է:

Մինչ այդ, հոկտեմբերի 22-ի դրությամբ, համաձայն ԱՀԿ-ի կողմից բերված տվյալների, Արեւմտյան Աֆրիկայի երեք երկրներում՝ Գվինեայում, Լիբերիայում եւ Սիերա-Լեոնեում Էբոլա հեմոռագիկ տենդի զոհերի թիվը 4868-ի է հասել, վարակվածներինը՝ 9911-ի: Ընդ որում, միայն վերջին 5 օրերի ընթացքում մահացու վտանգավոր հիվանդությունը 300 մարդու կյանք է խլել: Հոկտեմբերի 17-ի դրությամբ զոհերի թիվը 4546 էր կազմում, իսկ վարակվածներինը՝ 9 հազարից մի փոքր ավել:

ԱՀԿ-ի տվյալներով, հոկտեմբերի 19-ի դրությամբ Էբոլա վիրուսից տուժած 5 երկրներում՝ Գվինեայում, Լիբերիայում, Սիերա-Լեոնեում, Իսպանիայում եւ ԱՄՆ-ում, հիվանդությամբ մահացության 4877 դեպք է գրանցվել: Նույն ժամանակահատվածում վարակման դեպքերի թիվը 9936 է կազմել: Ավելի վաղ ԱՀԿ-ն համաճարակի՝ Նիգերիայում եւ Սենեգալում դադարեցման մասին հայտարարությամբ էր հանդես եկել:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է