Կալցիումով հարուստ սննդատեսակների ցանկ

Այն մասին, թե որքան մեծ կարեւորություն ունի կալցիումը՝ մարդու օրգանիզմի եւ, մասնավորապես, կմախքի համար, բազմիցս ենք գրել: Քիմիական տարրի պակասի արդյունքում ոսկրերի խտության կորուստ կարող է նկատվել, ինչը «բարենպաստ» պայմաններ է ստեղծում մի շարք հիվանությունների, մասնավորապես՝ օստեոպորոզի առաջացման համար:

Կալցիումի անհրաժեշտ ծավալը պետք է սննդի հետ միասին օրգանիզմ անցնի: Սակայն խնդիրը նրանում է, որ բազմաթիվ՝ ցածր կալորիականությամբ սննդակարգի հետեւող մարդիկ հրաժարվում են կալցիումի, D վիտամինի եւ առողջության համար մեծ կարեւորություն ներկայացնող այլ տարրերի ու միացությունների բաղադրությամբ մի շարք սննդատեսակներ ընդունելու գաղափարից եւ այդ կերպ իրենց առողջությունը մեծապես վտանգում:

Ստորեւ այն սննդատեսակների ցանկն ենք ներկայացնում, որոնք ամենօրյա սննդակարգի մասը պետք է կազմեն.

Կաթնամթերք (կալցիումի բաղադրությունը՝ 100 գրամում)

Չոր յուղազերծ կաթ – 1155 մգ

Չոր անխառն կաթ– 1000 մգ

Շաքարով խտացրած կաթ– 304 մգ

Կաթնաշոռ 5% – 164 մգ

Պաղպաղակ «պլոմբիր» – 159 մգ

Յուղոտ կաթնաշոռ – 150 մգ

Սերուցքային պաղպաղակ – 140 մգ

Մածուն – 118 մգ

Կաթ պաստերիզացված (1.5%, 2.5%, 3.2%) – 120 մգ

Կեֆիր – 120-126 մգ

Յոգուրտ 1.5-6% – 124 մգ

Կաթի սերուցք – 90 մգ

Թթվասեր 20% – 86 մգ

Կարագ սերուցքային – 21 մգ

Պաղպաղակ մրգային – 20 մգ

Մարգարին սերուցքային – 14 մգ

Պանրի տեսակներ (կալցիումի բաղադրությունը՝ 100 գրամում)

Պարմեզան – 1300 մգ

Հոլանդական պանիր – 1000 մգ

Հալած պանիր – 760 մգ

«Ռոքֆոր» տեսակի պանիր – 740 մգ

Պինդ շվեյցարական պանիր – 600 մգ

Բրինզա՝ կովի կաթից – 530 մգ

Այծի պանիր – 500 մգ

Ձկնատեսակներ (կալցիումի բաղադրությունը՝ 100 գրամում)

Շիղաձուկ՝ տոմատի սոուսով – 507 մգ

Բրաձուկ՝ տոմատի սոուսով (պահածո) – 424 մգ

Սարդինաձուկ՝ յուղի մեջ – 420 մգ

Սաղմոն՝ տոմատի սոուսով (պահածո) – 340 մգ

Շպրոտ՝ յուղի մեջ – 300 մգ

Սկումբրիա (պահածո) – 241 մգ

Կրաբ – 100 մգ

Թարմ ձուկ (ատլանտյան ծովատառեխ) – 60 մգ

Թարմ ձուկ (բրաձուկ) – 25 մգ

Այլ սննդատեսակներ 

Մակ – 1450 մգ

Քնջութի սերմ – 875 մգ

Կազինակի՝ քնջութից– 639 մգ

Հալվա՝ քնջութից – 424 մգ

Նուշ – 265 մգ

Անտառային ընկույզ – 225 մգ

Պնդուկ – 170 մգ

Պիստակ – 135 մգ

Արեւածաղկի սերմ – 115 մգ

Հունական ընկույզ – 95 մգ

Հալվա՝ արեւածաղկից – 91 մգ

Գետնանուշ – 60 մգ

Քեշյու – 40 մգ

Նույնիսկ եթե հատուկ սննդակարգի եք հետեւում, հարկավոր է, որքան հնարավոր է՝ շատ, նաեւ վերը բերված սննդատեսակներից ընդունել, քանզի դրանց շնորհիվ կարող եք ամրություն հաղորդել Ձեր ոսկրերին եւ հետագայում էլ այնպիսի բարդ հիվանդություններից խուսափել, ինչպես, օրինակ, օստեոպորոզն է:

Հետևեք NEWS.am Medicine-ին Facebook-ում և Twitter-ում