• Latest news

Հայրերի եւ դուստրերի լուսանկարների ցուցահանդես՝ Երեւանում (ֆոտո)

24 հոկտեմբերի, 2014  14:45

Այսօր «Իսկ դու ունե՞ս աղջիկ» խորագրով միջոցառման շրջանակում Երեւանում բացվել է համանուն ֆլեշմոբին մասնակցած հայրերի-դուստրերի լուսանկարների ցուցահանդեսը, որը կազմակերպված է ՀՀ առողջապահության նախարարության եւ ՄԱԿ-ի Բնակչության հիմնադրամի կողմից: Միջոցառման հիմնական նպատակներից մեկն է հանրությանը հասանելի դարձնել այն գաղափարը, որ աղջիկ երեխաները տղա երեխաներին ոչնչով չեն զիջում, եւ շատ հայրեր պարծենում են իրենց դուստրերով:

ՄԱԿ-ի Բնակչության հիմնադրամի գործադիր ներկայացուցիչ Գարիկ Հայրապետյանը լրագրողներին պատմել է, որ սելեկտիվ աբորտների խնդիրը Հայաստանում դեռ բավական լուրջ է, եւ, ըստ տարբեր հաշվարկների, այստեղ տարեկան մոտ 1500-2000 աղջիկ երեխա չի ծնվում միայն աղջիկ լինելու պատճառով:

Միջոցառման ընթացքում ցուցադրվել է սելեկտիվ աբորտների մասին տեսանյութ, իսկ բացման խոսքով հանդես են եկել ՀՀ առողջապահության փոխնախարար Սերգեյ Խաչատրյանը, ով նույնպես մասնակցել էր ֆլեշմոբին եւ իր դստեր նկարը համացանցում տեղադրել, եւ ՄԱԿ-ի Բնակչության հիմնադրամի գործադիր ներկայացուցիչ Գարիկ Հայրապետյանը:

Ֆլեշմոբի մասնակիցներին նվիրեցին Արտակ Մովսիսյանի «10 հայ ականավոր թագուհիներ» գիրքը, որը եւս մեկ անգամ ցույց է տալիս, թե ինչ կարեւոր դեր են խաղում կանայք հասարակության մեջ եւ ինչ լավ ղեկավար նրանք կարող են լինել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել