Ի՞նչ է տեղի ունենում օվկիանոսում հայտնված դիակի հետ

Մինչեւ բոլորովին վերջերս գիտնականների համար անհայտ էր մնում, թե ինչպես են օվկիանոսի բնակիչներն իրենց տարածքում հայտնված դիակների «հարցերը լուծում»: Հարցի պատասխանը ստանալու նպատակով մի խումբ կանադացի գիտնականներ երեք սատկած խոզերի մարմիններ են օվկիանոսի ջրերում թողել եւ երեք օր շարունակ, հատուկ ստորջրյա տեսախցիկների օգնությամբ, դրանց քայքայման գործընթացին հետեւել: Փորձարկման արդյունքները Գեյլ Անդերսոնն ու Լինն Բելը PLOS ONE ամսագրում են հրապարակել:

Փորձարկման շրջանակում խոզի մարմնի կիրառման պատճառն այն է, որ վերջինս աղիքային մանրէներով, մաշկով եւ մազածածկույթով ամենաշատն է մարդուն նման:

Երեք շաբաթվա ընթացքում խոզերից երկուսի մարմինն ամբողջությամբ ոչնացվել է՝ միայն ոսկրերն են մնացել: Սակայն օվկիանոսի բնակիչներից 90 օր է պահանջվել՝ երրորդ կենդանու հետ «հաշիվները մաքրելու» համար, քանի որ վերջինիս մարմինը թթվածնող աղքատ տեղանքում է գտնվել, եւ գիշակերները երկար ժամանակ չեն մոտեցել դրան: Գիտնականները նաեւ ջրի եւ դրա մեջ առկա՝ մարմնի քայքայմանը նպաստող այլ գործոնների ուսումնասիրություն են նախաձեռնել:

Հետևեք NEWS.am Medicine-ին Facebook-ում և Twitter-ում