• Latest news

Երեխայի մտավոր զարգացման հիմնական գործոնը ոչ թե դաստիարակությունն է, այլ գենետիկան

31 հոկտեմբերի, 2014  14:37

Կարո՞ղ է արդյոք երեխան ծնողների ջանքերով առավել խելացի դառնալ: Ինչպես Intelligence ամսագրում նկարագրություն գտած հետազոտության հեղինակներն են պնդում, մտավոր զարգացման մակարդակը գլխավորապես գենետիկայի ազդեցության արդյունք է, եւ ոչ՝ ծնողների դաստիարակության, հաղորդում է FoxNews-ը:

Ֆլորիդայի, Նեբրասկայի, Արեւմտյան Իլինոյսի, Սաուդյան Արաբիաից՝ Աբդուլազիզ թագավորի եւ Նիդեռլանդներից՝   Էրասմուսի համալսարանը ներկայացնող գիտնականների նախաձեռնությամբ իրականացված հետազոտությունը կենսաբանական ծնողներից առնվազն մեկի ընտանիքում մեծացող 7 հազար եւ որդեգրված 300 երեխաների շրջանում է իրականացվել: Մասնակիցները մարդկանց, վայրերի եւ իրերի լուսանկարների ճանաչման կարողությունը ստուգող IQ թեստ են հանձնել՝ միջին եւ բարձր դասարաններում, այնուհետեւ մեկ անգամ էլ՝ 18-26 տարեկան հասակում: Բացի այդ, գիտնականների ուսումնասիրության կենտրոնում նաեւ նրանց ծնողների վարքագծային առանձնահատկություններն են հայտնվել:

Գիտահետազոտական խմբի անդամները մասնավորապես պարզել են, որ ծնողների սոցիալիզացումը շոշափելի ազդեցություն չի ապահովում՝ երեխաների մտավոր զարգացման մակարդակի վրա:

«Նախընթաց հետազոտությունները, որոնք ծնողների վարքագծի ազդեցությամբ մտավոր զարգացման մակարդակի փոփոխությունների մասին են վկայում, չեն կարող ճշգրիտ լինել, քանի որ առանց գենետիկ գործոնները հաշվի առնելու են իրականացվել», - նշել է Ֆլորիդայի պետական համալսարանի կրիմինոլոգիայի ամբիոնի պրոֆեսոր, հետազոտության հեղինակ դոկտոր Քեւին Բիվերը: 

Հիշյալ հետազոտությունների արդյունքները, մասնավորապես, այն մասին էին վկայում, որ ընտանեկան ճաշկերույթի ընթացքում երեխաների հետ ինտերակտիվ կապ ապահովող կամ քնելուց առաջ նրանց համար որեւէ պատմություն ընթերցող ծնողների ազդեցությամբ IQ-ի խթանում կարող է նկատվել: Մինչդեռ ընթացիկ հետազոտության շրջանակում ծնողների հետ կենսաբանական որեւէ առնչություն չունեցող՝ որդեգրված երեխաների մտավոր կարողությունների վերլուծությամբ բացառվել է հնարավորությունը, թե ծնողների սոցիալիզացման մակարդակը կարող է վճռորոշ դերակատարում ունենալ՝ նրանց IQ-ի ձեւավորման հարցում:

Այդուհանդերձ, ինչպես գիտնականներն են զգուշացնում, ծնողները չպետք է, հետազոտության արդյունքների վրա հենվելով, երեխաների դաստիարակությամբ զբաղվելու, նրանց հետ սոցիալիզացվելու փորձից հրաժարվեն: Պարզապես ժառանգի վրա ազդեցություն գործելիս ծայրահեղությունների դիմելու կարիք չի զգացվում: 

«Այդուհանդերձ, ծնողների խելամիտ ազդեցությունը կարող է երեխաների մտավոր զարգացման վրա բացասական ազդեցությունից խուսափելու միջոց ծառայել», - զգուշացրել է դոկտոր Բիվերը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է