Աուտիզմով ախտորոշված երեխաների եւ նրանց ծնողների ԴՆԹ-ի ուսումնասիրություն հեղինակած գիտնականները հիվանդության առաջացման հետ ենթադրյալ առնչություն ունեցող 33 գեներ են առանձնացրել:
Այդուհանդերձ, BBC-ի հաղորդմամբ, Մեծ Բրիտանիայի աուտիզմի հարցերով ազգային ընկերակցությունից զգուշացնում են, որ դեռեւս վաղ է հիվանդության առաջացման կոնկրետ պատճառների մասին խոսել:
Լայնածավալ միջազգային հետազոտության արդյունքները Nature ամսագրում են նկարագրություն գտել:
Աուտիզմը մարդու զարգացման խանգարում է բնորոշում: Հիվանդության առաջացման կոնկրետ պատճառները մինչ այժմ վերջնականապես պարզ չեն, սակայն արդեն իսկ ապացույցներ կան առ այն, որ խանգարման հիմքում կենտրոնական նյարդային համակարգի աշխատանքի խախտումների հանգեցնող գենետիկ մեխանիզմներն են:
Այդուհանդերձ, չնայած աուտիզմի՝ գենետիկ բնույթ կրելու հանգամանքի մասին վկայող մի շարք ապացույցներին, կոնկրետ գեների եւ հիվանդության առկայության միջեւ որեւէ կապ մինչ այժմ չի հայտնաբերվել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր