• Latest news

Քթի վիրահատությունից հետո աղջիկը չճանաչեց ինքն իրեն. «Ես թագուհի եմ» (ֆոտո, վիդեո)

4 սեպտեմբերի, 2015  01:54

Անին Մոսկվայից հատուկ ռինոպլաստիկայի ենթարկվելու՝ քթի ձեւը փոխելու նպատակով է Երեւան ժամանել: NEWS.am Medicine-ի թղթակցին աղջիկը պատմել է, որ մանկությունից կոմպլեքսներ է ունեցել՝ սապատավոր քթի հետ կապված եւ այժմ էլ, ի վերջո, որոշել է վիրատության գնալ:

NEWS.am Medicine-ի թղթակիցը Անիին նախ վիրաբույժի կաբինետ է ուղեկցել, այնուհետեւ էլ՝ վիրահատարան՝ տեսնելու համար, թե ինչպես է նրա քթի ձեւը փոխվում եւ ինչպիսի արդյունքի կարելի է ռինոպլաստիկայի օգնությամբ հասնել:

Ամեն ինչ վիրաբույժի ընտրությունից է սկսվում: Անին որոշել էր «Vicmed» կլինիկայի ղեկավար պլաստիկ վիրաբույժ Աշոտ Թորոսյանին դիմել: Արդեն կաբինետում աղջիկը նրա աշխատանքների կատալոգն է աչքի անցկացրել՝ փորձելով բացատրել, թե ինչպիսի քիթ է իր համար ցանկանում: Վիրաբույժն էլ բացատրել էր, թե ինչպես է աշխատելու եւ հատկապես ինչ կարող է անել. վիրահատության ընթացքում հարկավոր էր ոչ միայն քթի սապատը վերացնել, այլ նաեւ ոչ մեծ չափերի իմպլանտներ տեղադրել՝ ցանկալի տեսքը ստանալու համար:

Զրույցից հետո աղջիկը անեսթեզիոլոգին է հանդիպել, ով մանրամասն հարցուփորձ է արել՝ Անիի առողջական վիճակի եւ նույնիսկ այն մասին, թե երբ է վերջին անգամ սնունդ ընդունել. ողջ այդ տեղեկություններն անհրաժեշտ են մասնագետին՝ աշխատանքի համար:

Այնուհետեւ Անին վիրահատարան է ուղեւորվել, որտեղ վիրաբույժի գլխավորությամբ գործող թիմի անդամները սկսել են աշխատանքը՝ նրա քթի հետ: Վիրահատությունը մոտավորապես 4 ժամ է տեւել. ավարտից անմիջապես հետո աղջիկն ուշքի է եկել:

Վիրահատությունից մի քանի օր անց էլ գիպսն են փոխել, իսկ 14-րդ օրը՝ ընդհանրապես հեռացրել՝ վիրահատությունից հետո ինքն իրեն հայելու մեջ տեսնելու առաջին հնարավորությունն աղջկան ընձեռելով:

Նոր քիթը գոհացրել է Անիին. ասում է, որ ամբողջ կյանքում երազել է այդպիսի ուղիղ եւ ոչ մեծ քիթ ունենալ: Ճիշտ է՝ դեռեւս այտուցներ կան աչքերի տակ, բայց շուտով դրանք էլ կանցնեն, եւ երկու ամիս անց հնարավոր կլինի վիրահատության վերջնական արդյունքը տեսնել:

Ահա, թե ինչ է ինքը՝ Անին պատմել վիրահատության եւ հետվիրահատական ընթացքի մասին.

«Երբ արթնացա, թեթեւակի գլխացավ ունեի: Բայց ներարկում արեցին, եւ դա էլ անցավ: Հրաշալի էի զգում ինձ, սկսեցի հերթով զանգել ու խոսել բոլորի հետ: Հետո այտուցներ ու կապտուկներ ի հայտ եկան, բայց ոչ՝ երկար ժամանակով՝ 3-4 օրից արդեն այդքան շատ չէին ու այլեւս նեղություն չէին տալիս ինձ: Հինգերորդ օրը երեկոյան զբոսանքի դուրս եկա՝ մաքուր օդ շնչելու: Վեցերորդ օրը գիպսը փոխեցին, ամեն ինչ մաքրեցին, եւ արդյունքը քիչ թե շատ պարզ դարձավ: Այսօր 14-րդ օրն է, եւ, ինչպես տեսնում եք, ես թագուհի եմ»:

Տեսանյութում կարող եք տեսնել, թե ինչպես է Անին վիրաբույժի մոտ եկել եւ ինչպես է վիրահատությունն ընթացել (զգուշացում. վիրահատության բազմաթիվ դրվագներ մոտիկից են նկարահանված՝ կադրերը թույլ նյարդեր ունեցողների համար չեն): Վերջում բժիշկը հանում է գիպսը՝ աղջկա քթից՝ թույլ տալով տեսնել, թե ինչպիսին է այն ստացվել:

Հ.Գ.Սեպտեմբերի 14–ից 18–ը Աշոտ Թորոսյանը հիվանդներ կընդունի ՌԴ Դոնի Ռոստով քաղաքում։ Ցանկացողները կարող են դիմել Շոլոխովի փողոց 64Ա հասցեով, կամ զանգահարել (863) 200-32-08, 200-32-14, 200-32-15 հեռախոսահամարներով։

 

Լուսանկարները՝ Արսեն Սարգսյանի

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է