• Latest news

Մետաղի դետեկտորը կնոջ մահվան պատճառ է դարձել

22 նոյեմբերի, 2014  18:23

Մետաղի դետեկտորից արձակվող էլեկտրամագնիսական ալիքների հետ կապված դժբախտ պատահար է տեղի ունեցել Ռուսաստանի Դաշնության հարավում գտնվող Բուրյաթիայի Հանրապետության մայրաքաղաք Ուլան-Ուդեի օդանավակայանում, որտեղ 30-ամյա Դիանա Տոլստովան ստուգումից անմիջապես հետո կորցրել է գիտակցությունը եւ 33-ամյա ամուսնու՝ Մաքսիմի գրկում մահացել, հաղորդում է FoxNews-ը:

Օդանավակայանի բժշկական ծառայության աշխատակիցները միջադեպին բավականին երկար ուշացումով են արձագանքել:

«Նախքան ստուգումներն անցնելը ես անվտանգության աշխատակիցներին ցույց էի տվել Դիանայի թղթերը, նրանք գիտեին, որ կինս սրտի խթանիչ ունի: Բայց, այնուամենայնիվ, ստիպված եղավ անցնել այդ դռների միջով», - պատմել է Մաքսիմը՝ լրագրողների հետ զրույցի ընթացքում:

Իսկ երբ թռիչքի դարպասներին էին հասել, կինը գլխապտույտ էր ունեցել եւ մի ակնթարթում գիտակցությունը կորցրել: Ի վերջո օգնության հասած բժիշկները նրան, ըստ էության, ոչնչով չեն օգնել:

«Դիանային առաջին օգնություն չի տրամադրվել: Նրանք նույնիսկ շտապ օգնություն չկանչեցին», - պատմում է Մաքսիմը:

Օդանավակայանի ղեկավարությունից հայտնել են, որ ներկայումս մահվան դեպքի պատճառների քննություն է ընթանում:

«Օդանավակայանի անձնակազմը եւ անվտանգության աշխատակիցները հստակ ցուցումներ ունեն առ այն, թե ինչպես պետք է սրտի խթանիչ կրող մարդկանց հետ աշխատել: Հատուկ զգուշացումներ կան, որ այդպիսի մարդիկ չպետք է մետաղական դետեկտորի միջով անցնեն», - մեկնաբանել է օդանավակայանի խոսնակներից մեկը:

«Նորմալ իրավիճակներում, թղթերը տեսնելուն պես, աշխատակիցներն այդպիսի մարդկանց սարքը շրջանցելու հնարավորություն են ընձեռում: Տվյալ դեպքում հիվանդը կամ մոռացել է զգուշացնել, կամ էլ տեղյակ չի եղել մետաղի դետեկտորի վտանգավորության մասին: Թեեւ յուրաքանչյուր հիվանդ դրա վերաբերյալ խիստ զգուշացում է ստանում», - նշել է խոսնակը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է