Ինչո՞ւ ենք ուրբաթ օրերին մի փոքր ավելի քիչ կշռում

Շատերիս համար հանգստյան օրերն ավելի երկար քնի, հանգստի ռեժիմի, ավելի բարձր կալորիականությամբ սննդի, ինչպես նաեւ ըմպելիքների միջոցով հանգստանալու եւ հաճույք վայելելու հնարավորության հետ են ասոցացվում:

Արդյունքում ստացվում է այնպես, որ շաբաթ եւ կիրակի օրերին միջինից մի փոքր ավելի բարձր ենք կշռում, իսկ ուրբաթ օրերին՝ ցածր: Ընդ որում, վերը նկարագրված տենդենցն աշխատող մարդկանց ճնշող մեծամասնությանն է հատուկ, ինչի մասին Obesity Facts ամսագրում նկարագրություն գտած փոքրածավալ հետազոտության արդյունքներն են վկայում, հաղորդում է FoxNews-ը:

Մասնավորապես, 25-62 տարեկան 80 չափահաս աշխատող մարդկանց կշռի ամենօրյա չափումների արդյունքներն այն մասին են վկայում, որ «քաշի ավելացումը շաբաթ օրվանից մինչ երեքշաբթի է տեւում, կրճատումն էլ՝ երեքշաբթիից ուրբաթ»:

Հետևեք NEWS.am Medicine-ին Facebook-ում և Twitter-ում