• Latest news

Ռուս գիտնականները ծերացման գործընթացը երկարաձգող հակաօքսիդանտ են հայտնաբերել

28 նոյեմբերի, 2014  12:49

Որքան էլ ասվածը գիտաֆանտաստիկ ֆիլմի սցենարի տպավորություն թողնի, ծերացման գործընթացը երկարաձգող դեղահաբը կարող է իրականություն դառնալ: Համենայն դեպս, ռուս գիտնականներին հաջողվել է դրա բանաձեւը ստանալ: Նրանք հուսով են, որ ներկայումս առնետների, մկների, ձկների եւ շների վրա փորձարկվող դեղամիջոցը մարդուն առնվազն մինչեւ 120 տարի ապրելու հնարավորություն կարող է ընձեռել, հաղորդում է Medical Daily-ն:

Գիտահետազոտական խմբի անդամ դոկտոր Մաքսիմ Սկուլաչեւը՝ Մոսկվային Պետական Համալսարանից, նկատել է. «Բանաձեւը բազմաթիվ՝ տարիքի հետ կապված հիվանդությունների անհամեմատ ավելի դանդաղ զարգացում է ապահովում»:

Գիտնականները «նոր տիպի հակաօքսիդանտ» են կիրառել՝ դեղահաբի ստացման համար, ինչը բջիջների՝ էներգիայի արտադրման համար պատասխանատու հատվածի՝ ծերացման գործընթաց խթանող միտոխոնդրիայի վրա պահանջվող ազդեցությունը կարող է ապահովել:

«Սրտի կաթվածի, ինչպես նաեւ մի շարք այլ խանգարումների, մասնավորապես՝ Ալցհեյմերի եւ Պարկինսոնի հիվանդությունների առաջացման համար միտոխոնդրիան է պատասխանատու», - նշել է գիտնականը՝ Աֆրիկայի արեւելքում բնակվող՝ երկարակեցությամբ եւ քաղցկեղի նկատմամբ կայունությամբ աչքի ընկնող մերկ խլուրդ-առնետի օրինակը մատնանշելով:

Գիտնականները, նորահայտ դեղամիջոցի օգնությամբ, մարդու կյանքի տեւողութունը 120 տարվա հասցնելու իրատեսական՝ «տեխնիկապես հնարավոր» նպատակն են առաջ քաշել:

«Ես չեմ կարծում, թե երբեւեէ հնարավոր կլինի 800 տարի ապրել: Բացի այդ, նոր, ասենք՝ 120 տարեկանին հատուկ հիվանդություններ կարող են ի հայտ գալ: Քաղցկեղի նմանությամբ, ինչն անցյալում, երբ մարդիկ անհամեմատ ավելի երիտասարդ տարիքում էին մահանում, հազվագյուտ հիվանդությունների շարքն էր լրացնում», - նշել է դոկտոր Սկուլաչեւը՝ եւս մեկ անգամ ընդգծելով, որ դեռեւս մշակման փուլում գտնվող դեղամիջոցը ծերացման գործընթացը, եւ ոչ՝ կյանքի ընթացքն է երկարաձգում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է