• Latest news

ԱՄՆ-ում երեխան առանց ակնագնդերի է ծնվել

27 հունվարի, 2015  12:56

Արիզոնա նահանգի Մեսա քաղաքում երեք ամիս առաջ երեխա է ծնվել, եւ նրա երջանիկ մայրը՝ Քելլի Լոպեսը (Kelly Lopez), չէր էլ կարող պատկերացնել, որ փոքրիկը երբեք չի կարողանա իրեն նայել: Կյանքի տասներեքերորդ օրում բժիշկները տղային մագնիսա-ռեզոնանսային տոմոգրաֆիա են կատարել, եւ փոքրիկի ընտանիքը շոկի մեջ է ընկել: Պարզվել է՝ նրա փակ կոպերի տակ աչքի խնձորակներ չկան:

Տղան տեսողական նյարդ ունի, իսկ դա հույս է ներշնչում, որ նա երբեւիցե կկարողանա տեսնել: Բժիշկները տղայի ակնախոռոչներում ընդլայնիչներ են տեղադրել, որպեսզի դրանք աճեն, քանի որ հետագայում հնարավոր է՝ նրանք ստիպված լինեն պրոթեզ դնել:

 «Մենք շոկի մեջ էինք: Առաջին միտքն այն էր, թե ինչպես այդպիսի բան կարող էր պատահել»,-ասում է Լոպեսը: Կինը պատմել է, որ հղիության ընթացքում ամեն ինչ կարգին է եղել: Ընտանիքը երեխային գրանցել է կույր երեխաների համար ծրագրերում եւ նրա համար արեւից պաշտպանող ակնոց գնել:

Հազվադեպ բնածին արատի ախտորոշումը անոֆտալմիա է: ԱՄՆ Հիվանդությունների վերահսկման եւ կանխարգելման կենտրոնը հիվանդությունը նկարագրում է որպես աչքերի հյուսվածքների կամ աչքի խնձորակի ամբողջական բացակայություն:

«Ես հույս ունեմ, որ մի հրաշալի օր բժիշկները կկարողանան կա´մ աչքեր աճեցնել, կա´մ էլ փոխպատվաստել դրանք»,-ասել է Լոպեսը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել