• Latest news

Ամերիկացի գիտնականները ճառագայթումից պաշտպանվելու համար դեղամիջոց են ստեղծել

28 հունվարի, 2015  11:32

Ամերիկացի հետազոտողները դեղամիջոց են մշակել, որը կարողանում է հաղթահարել ճառագայթային հիվանդությունը նույնիսկ այն ժամանակ, երբ բուժումն սկսվել է ռադիացիոն ճառագայթում կատարելուց երեք օր անց: Հետազոտության արդյունքները հրապարակվել են Chemistry & Biology ամսագրում:

Թենեսի նահանգի համալսարանին կից առողջության գիտական կենտրոնի գիտնականներն իրենց նախորդ հետազոտություններում պարզել են, որ լիզոֆոսֆատիդաթթուն (LPA) ակտիվացնում է LPA2 ռեցեպտորը, որն էլ թուլացնում է ոսկրածուծի եւ մարսողական համակարգի՝ օրգանիզմի առավել խոցելի համակարգերի վրա ռադիացիոն ճառագայթման ազդեցությունը:

Սակայն դեղամիջոցը բավարար չափով արդյունավետ չի եղել: Այդ ժամանակ օգտագործելով համակարգչային մոդելավորում՝ հետազոտողներն ուսումնասիրել եւ փոփոխել են դեղամիջոցի ակտիվ բաղադրիչների մոլեկուլային կառուցվածքը՝ արդյունքում ստեղծելով ավելի արդյունավետ դեղամիջոց, որը նրանք DBIBB են անվանել:

Դեղամիջոցը հաջողությամբ փորձարկվել է սուր ճառագայթային համախտանիշի ախտանշաններով լաբորատոր մկների վրա: Կրծողներին 15,7 գրեյ գերուժեղ ճառագայթման են ենթարկել (մարդու համար մահացու է 3-4 գրեյ չափաբաժինը): Բուժում չստանալով՝ 14 կրծողներից 12-ը սատկել է: Մկների մյուս խմբի դեպքում ճառագայթման ենթարկելուց հետո 26 ժամվա ընթացքում օգտագործել են DBIBB փորձնական դեղամիջոցը, որի արդյունքում երկու շաբաթ անց 14 մկներից 13-ը ողջ է մնացել: Այնուհետեւ 8,5 գրեյի ճառագայթում ստանալուց 72 ժամ հետո կրծողներին դեղամիջոցն են տվել: 12 ամիս անց բուժման չենթարկված 15 մկներից 12-ը սատկել է, սակայն դեղամիջոցն ընդունած 15 կրծողներից 14-ը ողջ է մնացել:

Հիմա գիտնականները նախատեսում են շարունակել DBIBB-ի ուսումնասիրությունը: Ապագայում այս դեղամիջոցը կարող է ոչ միայն սուր ճառագայթային համախտանիշը բուժել, այլեւ քաղցկեղով հիվանդներին պաշտպանել ճառագայթային թերապիայի կողմնակի, իսկ տիեզերագնացներին՝ տիեզերական ճառագայթների ազդեցություններից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է