• Latest news

Մեդիտացիան բարելավում է ուղեղի աշխատանքը եւ ամրապնդում հիշողությունը

28 հունվարի, 2015  20:34

8 շաբաթվա ընթացքում մեդիտացիա կատարելը դրականորեն է անդրադառնում ուղեղի գորշ նյութի վրա՝  բարելավելով մարդու հիշողությունը, օգնելով նրան դիմակայել սթրեսին, ինչպես նաեւ լավացնել ինքնազգացողությունը: Այս մասին Մասաչուսեթսի ընդհանուր հոսպիտալի (MGH) գիտնականների իրականացրած հետազոտության արդյունքներն են վկայում:

Գիտնականների նոր հետազոտությանը 16 մարդ է մասնակցել, որոնք 8 շաբաթվա ընթացքում հատուկ մշակված ծրագրով մեդիտացիա են արել: Կամավորներն ամեն շաբաթ պարապմունքների են հաճախել, որտեղ նրանց մեդիտացիա են սովորեցրել, որի հիմնական նպատակը սեփական զգացողությունների, զգացմունքների եւ մտքերի անկողմնակալ գիտակցումն է: Մասնակիցներին նաեւ մեդիտացիայի պրակտիկայի վերաբերյալ աուդիոդասեր են տրամադրել եւ խնդրել գրանցել, թե որքան ժամանակ են նրանք մեդիտացիային տրամադրել: Կամավորներն ամեն օր միջինը 27 րոպե տեւողությամբ մեդիտացիա են կատարել:

Ծրագրից երկու շաբաթ առաջ եւ երկու շաբաթ անց հետազոտողները մագնիսա-ռեզոնանսային տոմոգրաֆիայի օգնությամբ սկանավորել են մասնակիցների ուղեղը:

Պարզվել է՝ այդ 8 շաբաթվա ընթացքում նրանց  գիտակցության մակարդակը բարձրացել է, իսկ հիպոկամպում՝  հիշողության եւ  ուսման համար պատասխանատու ուղեղի հատվածում եւ ինքնագիտակցության, կարեկցության եւ ինքնավերլուծության հետ կապված ուղեղի կառուցվածքներում ավելացել է գորշ նյութի խտությունը: Փորձնական խմբի կամավորների մոտ նաեւ նշագեղձի՝ անհանգստության եւ սթրեսի հետ կապված ուղեղի հատվածում գորշ նյութի խտությունն է նվազել:

 «Զարմանալի է, թե որքան ճկուն է մեր ուղեղը, եւ որքան կարող է մեդիտացիայի պրակտիկան փոխել այն՝ դրականորեն անդրադառնալով մեր ինքնազգացողության եւ մեր կյանքի որակի վրա»,-ասել է հետազոտության հեղինակ Բրիտտա Հոլզելը:

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է