Էբոլա տենդով վարակվելու նոր գրանցված դեպքերի քանակը մինչեւ հունվարի 25-ը շաբաթվա կտրվածքով 99 դեպք է կազմել: Այս մասին հաղորդել է Առողջապահության համաշխարհային կազմակերպությունը, փոխանցում է Reuters-ը:
Սա ռեկորդային ցածր ցուցիչ է համարվում 2014 թ. հունիսից, երբ շաբաթը գրանցվել է վիրուսով հիվանդանալու 100 դեպք:
«Էբոլա հեմոռագիկ տենդի հանդեպ արձագանքը հաջորդ փուլ է անցել, ուշադրությունը տեղափոխվում է տենդի տարածման նվազեցումից դեպի համաճարակի ավարտը»,-ասված է կազմակերպության զեկույցում:
Էբոլա տենդը բռնկվել է Գվինեայում 2014 թ. մարտին: Նիգերիայում, Լիբերիայում եւ Սիերա Լեոնեում համաճարակի կապակցությամբ արտակարգ դրություն է հայտարարվել: Առողջապահության համաշխարհային կազմակերպության 2014 թ. դեկտեմբերի տվյալներով տենդի զոհերի թիվը հասել է 8153 մարդու, իսկ վարակվածների թիվը գերազանցել է 20065-ը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր