Վիոլետ Պիետրոկը ծնվել է շատ հազվադեպ գանգի արատով, որը հայտնի է Տեսսերի դեմքի երկփեղկում անունով:
Աղջկա գանգի ոսկորներն այնքան են իրարից հեռացած, որ նրա քիթն աճառ չունի, իսկ աչքերն էլ՝ նորմալ տեսողություն:
Քանի որ արատը շատ հազվադեպ է, բժիշկների մեծամասնությունը չգիտի, ինչպես օգնել աղջկան: Սակայն Բոսթոնից Ջոն Մեարան որոշակի փորձ ունի. նախկինում բժիշկը նմանատիպ արատներով երեխաների չորս վիրահատություն է կատարել, իսկ այս անգամ նա իր օգնությունը երկու տարեկան Վիոլետին է առաջարկել:
Մեարան եւ նրա թիմը 3D տպիչ են օգտագործել գանգի ակրիլային ձեւը ստանալու եւ դրա վրա փորձեր կատարելու համար: Նրանք ոսկորները միմյանց են մոտեցրել եւ կտրել անպետք հատվածները: Հետո արդեն հիվանդի համար նրանք լավագույն ռազմավարությունն են օգտագործել, որն այդ «մարզումների» ընթացքում են գտել:
Վիրաբույժի խոսքով, առանց 3D տպիչի դժվար է այդպիսի վիրահատություններ կատարել, քանի որ գանգը ծածկող մաշկն ու մկանները խանգարում են շատ բան տեսնել եւ ճիշտ գնահատել: Իսկ արդեն 3D տպիչի օգնությամբ կարելի է գանգի մոդելն ստանալ, ուսումնասիրել այն, մարզվել դրա վրա, հասկանալ, թե իսկական վիրահատության ժամանակ որտեղ պետք է կտրել եւ ինչ պետք է անել:
Վիրահատությունն ավելի քան տասը ժամ է տեւել, իսկ հետո աղջկա վերականգնվելու համար մոտ 6 շաբաթ է պահանջվել: Բժիշկներն իրար են մոտեցրել գանգի հեռացած ոսկորները, որպեսզի Վիոլետը կարողանա ավելի լավ տեսնել, իսկ ապագայում, վիրաբույժի խոսքով, կարելի է այլ պլաստիկ վիրահատությունների մասին էլ մտածել, որոնք կօգնեն վերականգնել դեմքը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր