• Latest news

Կինը, ում տղամարդ են համարել, ծննդաբերել է (ֆոտո)

31 հունվարի, 2015  21:49

28-ամյա բրիտանուհի Հոլի Հայնեսը, ով առանց արգանդի է ծնվել, երկվորյակների մայր է դարձել: Երեխաները լույս աշխարհ են եկել արտամարմնային բեղմնավորման օգնությամբ:

Երբ Հոլին 19 տարեկան է եղել, բժիշկները հայտարարել են, որ նա երբեք չի կարողանա ծննդաբերել, քանի որ վերջինս գենետիկորեն տղամարդ է: Աղջիկը դեպրեսիայի մեջ է ընկել: Հայնեսը վախեցել է ժամադրության գնալ, քանի որ չի պատկերացրել՝ ինչպես պետք է երիտասարդ տղամարդուն բացատրի, որ ինքն անդրոգեն անզգայության համախտանիշ ունի եւ միայն արտաքինապես է կին երեւում:

Սակայն Սեմ անունով երիտասարդը, ում հետ Հոլին մանկությունից է ընկերություն արել, կարողացել է ջերմացնել աղջկա սիրտը: Սիրահարներն ամուսնացել են, եւ Սեմը կնոջը համոզել է նորից բուժվել: Հետազոտություններից մեկի ժամանակ բժիշկը փոքրիկ թերզարգացած արգանդ է նկատել, որը չէին նկատել մյուս բժիշկները:

Իր արգանդի աճի համար միջավայր ստեղծելու համար Հոլին սկսել է հորմոնալ դեղամիջոցներ օգտագործել: Բուժման համար զույգը ծախսել է գրեթե ողջ խնայողությունները, քանի որ նրանց բժշկական ապահովագրությունը չի հոգացել անհրաժեշտ պրոցեդուրաների ծախսերը: Արդյունքում Հոլին պատրաստ է եղել արտամարմնային բեղմնավորման: Բժիշկներն զգուշացրել են, որ հղիանալու հավանականությունն ընդամենը 60 % է կազմում:

Բժիշկները կնոջը երկու բեղմնավորված ձվաբջիջ են փոխպատվաստել, եւ երկուսն էլ զարգացել են: Հոլին զույգ աղջիկ է ծննդաբերել, որոնց Ավերի եւ Դարսի են անվանել:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է