• Latest news

Դեղերի փորձագիտական կենտրոնի ղեկավար՝ դրոշմապիտակավորումն իրեն արդարացնում է

26 փետրվարի, 2015  22:58

ՀՀ կառավարության որոշմամբ անցած տարի ներդրված դեղերի դրոշմապիտակավորումն իրեն արդարացնում է, կարծում է դեղերի եւ բժշկական տեխնոլոգիաների փորձագիտական կենտրոնի ղեկավար Հակոբ Թոփչյանը:

Ինչպես նշեց կենտրոնի ղեկավարը NEWS.am Medicine-ի հետ զրույցում, խոսքը չի գնում այս պիտակների միջոցով բյուջեի համալրման մասին: Խնդիրն այստեղ դեղորայքի շուկայի տարբերակումն է եւ ստվերային շրջանառության բացահայտումը: Այս առաքելությունը դրոշմապիտակավորման համակարգն իրականացրել է:

Մեր զրուցակիցը նշեց, որ դրոշմապիտակն իր գրանցման համարն ունի, իսկ լրացման ենթակա փաստաթղթերը պարունակում են տեղեկություն այն մասին, թե որ դեղի վրա է փակցված պիտակը: Այսինքն՝ եթե պիտակը այն փաթեթավորման վրա չէ փակցված, դա հեշտությամբ կարելի է բացահայտել:

Թոփչյանը նշեց նաեւ, որ, հակառակ դեղորայքի արտադրողների եւ ներմուծողների կարծիքին, նորամուծությունը դեղամիջոցների թանկացմանը չհանգեցրեց, քանի որ պիտակները, փորձագետի կարծիքով, դեղի ընդհանուր արժեքի չնչին մասն են կազմում (1-2 դրամ) եւ չեն կարող ազդել գնի ձեւավորման վրա:

Խոսելով այն մասին, թե որքանով էր նպատակահարմար պետության կողմից այս դրոշմապիտակների վրա ծախս անելը եւ բյուջեի ինչ համալրում է ակնկալվում այս նորամուծությունից, Թոփչյանը նշեց, որ եթե գեթ մեկ կեղծված դեղ հաջողվի հանել շրջանառությունից, կարելի է վստահաբար պնդել, որ դրոշմապիտակավորումն իրեն արդարացրել է: Մեր զրուցակիցը նաեւ հույս հայտնեց, որ ամենաշատը մեկ տարի հետո պիտակավորման արդյունավետությունը իրեն զգացնել կտա:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է