Սննդակարգը կարող է մարդուն ավելի առողջ եւ երջանիկ դարձնել կամ բարձրացնել նրա ճնշումն ու արյան մեջ խոլեստերինի մակարդակը եւ մի շարք առողջական խնդիրներ ստեղծել:
NEWS.am Medicine-ի խմբագրությունն արդեն անդրադարձել էր սրտի համար օգտակար սննդատեսակներին, իսկ այժմ Ձեր ուշադրությանն ենք ներկայացնում անոթների եւ սրտի համար անհրաժեշտ մի քանի սուպերսննդի տեսակ:
1. Մրգեր
Մրգերից նարինջը, սեխը, պապայան հարուստ են բետա-կարոտինով, կալիումով, մագնեզիումով եւ բջջանյութով: Բոլոր այս նյութերը շատ կարեւոր են սրտի եւ անոթների առողջության պահպանման համար:
2. Ծնեբեկ
Ծնեբեկը հարուստ է հզոր սննդանյութերով՝ բետա-կարոտինով, ֆոլատով եւ բջջանյութով: Դրանք բոլորն օգտակար են ոչ միայն անոթների եւ սրտի համար, այլեւ՝ մարսողական համակարգի:
3. Լոլիկ
Լոլիկը, նույնիսկ ձմռան համար արեւի տակ չորացրած տարբերակը եւ տոմատի մածուկը, հարուստ է լիկոպինով, վիտամին C-ով եւ ալֆա ու բետա-կարոտինով: Այն նաեւ լավ հակաօքսիդանտ է համարվում, որը կարող է կանխարգելել քաղցկեղային հիվանդությունների զարգացումը:
4. Մուգ շոկոլադ
Մուգ շոկոլադը լավ է սրտի համար, բայց ոչ բոլոր շոկոլադներն են օգտակար. գնելիս համոզվեք, որ այն առնվազն 70 տոկոսով կակաոից է պատրաստված:
5. Բրոկոլի
Թարմ բրոկոլիի ծաղկաթերթիկները հարուստ են հումոսով, որը «սարսափելի» օգտակար է սրտի համար: Բրոկոլին հարուստ է նաեւ C եւ E վիտամիններով, կալիումով, ֆոլատով, կալցիումով եւ բջջանյութով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր