• Latest news

«Մալաթիա» ԲԿ–ն ձեռք է բերել վերջին սերնդի ուլտրաձայնային սարքավորում

28 փետրվարի, 2015  20:03

«Նատալի ֆարմ Մալաթիա» բկ-ն, որ միշտ հետեւում է առողջապահության ոլորտում տեղի ունեցող համաշխարհային նորություններին եւ հայտնագործություններին՝ վերջերս ձեռք բերեց  Shear Wave համակարգով հագեցած Siemens ընկերության վերջին սերնդի ուլտրաձայնային սարքավորում, որն այսօրվա դրությամբ միակն է Հայաստանում:

Shear Wave համակարգով իրականացվող լյարդի ուլտրաձայնային էլաստոմետրիան, անխոս, լյարդի դիֆուզային հիվանդությունների ախտորոշման ոլորտում  մեծ առաջընթաց է: Լյարդի էլաստոգրաֆիան նոր անվտանգ ոչ միջամտողական մեթոդ է, որը թույլ է տալիս պարզել լյարդի ֆիբրոզի արտահայտվածության աստիճանը քանակական ցուցանիշով:

Լյարդի ֆիբրոզն իրենից ներկայացնում է ախտահարված հյուսվածքի սպիացում՝ նոր համակցող հյուսվածքների կուտակման միջոցով, որը սկսում է քայքայել լյարդի պարենխիման՝ ի վերջո հանգեցնելով լյարդի ցիռոզի:

Պրոցեդուրայի պարզության, ինչպես նաեւ արդյունքներն արագ ստանալու հնարավորության շնորհիվ՝ էլաստոգրաֆիան կարելի է նշանակել վիրուսային հեպատիտով տառապողներին՝ լյարդի արտահայտված ֆիբրոզը բացառելու նպատակով, ինչը շատ կարեւոր է հիվանդության հետագա զարգացման կանխատեսումների եւ բուժման ռազմավարության ընտրության առումով: Պրոցեդուրան նաեւ հնարավորություն է ընձեռում վերահսկել բուժման արդյունավետությունը եւ հիվանդության զարգացման դինամիկան:

Ինչպես նշեց NEWS.am Medicine-ի հետ զրույցում «Մալաթիա» բժշկական կենտրոնի բժիշկ-ռադիոլոգ , բ.գ.թ., ԵՊԲՀ ճառագայթային ախտորոշման ամբիոնի դոցենտ Ռուզաննա Խոնդկարյանը՝ կլինիկական տեսանկյունից էլաստոգրաֆիայի մեթոդով դիֆուզային հիվանդություններով (մասնավորապես հեպատիտ C-ով) տառապողների մոտ լյարդի ֆիբրոզի բացահայտումն ու փուլավորումը շատ մեծ նշանակություն ունի, քանի որ թույլ է տալիս առանց միջամտական գործողությունների

- գնահատել լյարդի ախտահարվածության մակարդակը հիվանդության հատկանիշների հայտնաբերման պահին,

- կանխատեսել հիվանդության զարգացումը,

- վերահսկել լյարդի քրոնիկ դիֆուզային հիվանդությունների դինամիկան,

- գնահատել էտիոտրոպային եւ հակաֆիբրոտիկ բուժման արդյունավետությունը,

- խուսափել լյարդի ավելորդ բիոպսիաներից:

Լյարդի էլաստոմետրիայից զատ՝ սարքավորումն այլ օրգանների, մասնավորապես՝ վահանաձեւ գեղձի էլաստոգրաֆիա անցկացնելու հնարավորություն ունի:

Բարձր զգայունության HD ընկալող սարքավորումները թույլ են տալիս ճշգրտությամբ վիզուալիզացնել մանր անոթների, հոդերի, ջլերի կառուցվածքը, ինչպես նաեւ նյարդաթելիկները: Սարքավորման այս հատկությունը հնարավորություններ է ընձեռում ախտորոշել դաստակի այնպիսի արատներ, ինչպես օրինակ՝ թունելային սինդրոմը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է