• Latest news

Մերչենդայզինգ դեղատներում. ի՞նչ է դա

2 մարտի, 2015  20:25

Դեղատների ցուցափեղկերում չպետք է ցուցադրվեն դեղատոմսով տրամադրվող դեղեր եւ, առհասարակ, դեղատոմսի հասկացությունը պետք է կրկին արդիականացնել, NEWS.am Medicine-ի հետ զրույցում նշել է դեղերի եւ բժշկական տեխնոլոգիաների փորձագիտական կենտրոնի ղեկավար Հակոբ Թոփչյանը:

Մեր զրուցակցի խոսքով՝ դեղատների ցուցափեղկերն անչափ խայտաբղետ են, այնինչ այստեղ էլ մերչենդայզինգ գոյություն ունի, համաձայն որի՝ տեսանելի տեղում պետք է լինեն միայն առանց դեղատոմսի տրամադրվող դեղերը՝ ջերմիջեցնող միջոցները, հիգիենայի պարագաները, ինչպիսին են, օրինակ, ատամի խոզանակը, բամբակը եւ այլն: Մնացած դեղամիջոցները պետք է պահվեն գնորդի աչքից հեռու, որպեսզի վերջինիս մոտ այն առանց նշանակման գնելու գայթակղություն չառաջանա: Չնայած այս ամենին՝ մեր դեղատներում աշխատում են ցուցափեղկերին տեղավորել առկա ողջ դեղորայքը:

Ա.Թոփչյանը պարզաբանեց, որ Հայաստանը դեղորայքի արտադրության եւ իրացման ոլորտում գնում է GxP բոլոր չափանիշներն ընդունելու ճանապարհով: Սկզբում ընդունվել է CMP չափանիշը՝ պատշաճ արտադրական պրակտիկան, այժմ պետք է որդեգրվեն նաեւ GSP (դեղորայքի պահպանման պատշաճ պրակտիկա) եւ GDP (դեղորայքի իրացման պատշաճ պրակտիկա) չափանիշները: Հենց այս ստանդարտներն են սահմանում դեղորայքի տեղափոխման եւ պահեստավորման, պահպանման, ինչպես նաեւ ցուցադրման կարգը: Այդ չափանիշներն ընդունելուց հետո դեղատները ստիպված կլինեն վերանայել դեղորայքի ցուցադրման իրենց քաղաքականությունը:

Իսկ դեղատոմսի պարտադիր առկայության պահանջը  հակաբիոտիկներ, ինչպես նաեւ մի շարք այլ դեղեր գնելու դեպքում կամրագրվի, հույս է հայտնում Ա.Թոփչյանը, «Դեղերի մասին» օրենքի նոր նախագծում, որն արդեն երկարատեւ ժամանակ լրամշակվում է կառավարությունում: Մեր զրուցակիցը հույս հայտնեց, որ օրենքը կընդունվի մոտ ապագայում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է