• Latest news

Սուրճի եւս մեկ օգտակար հատկություն է բացահայտվել. այն նվազեցնում է ցրված սկլերոզի վտանգը

2 մարտի, 2015  13:45

Սուրճը կարող է կանխել ցրված սկլերոզի առաջացումը: Այս մասին են վկայում անցկացված հետազոտության արդյունքները, որոնք ներկայացվելու են Վաշինգտոնում կայանալիք Ամերիկայի նեվորոլոգիայի ակադեմիայի 67-րդ ամենամյա հանդիպմանը:

Վերջին ուսումնասիրությունները ցույց են տալիս, որ սուրճ օգտագործելը կարող է պաշտպանել նեվրոտիկ տարբեր հիվանդություններից՝ ներառյալ Ալցհեյմերի ու Պարկինսոնի հիվանդությունները: Այս հետազոտության հեղինակները եկել են այն համոզման, որ սուրճը կարող է պաշտպանել նաեւ ցրված սկլերոզից:

Իրենց տեսությունը ապացուցելու համար հետազոտության հեղինակ Էլլեն Մորին  (Ellen Mowry) իր գործընկերների հետ միասին վերլուծել են երկու առանձին պոպուլյացիաների տվյալները՝ փորձելով վերհանել կապը ցրված սկլերոզի եւ սուրճի միջեւ:

Առաջին հետազոտությունն իրականացվել է Շվեդիայում եւ ներառել ցրված սկլերոզով տառապող 1629 եւ առողջ 2807 մարդու: Երկրորդը ձեռնարկվել է ԱՄՆ-ում, դրան մասնակցել հիվանդ 1159 եւ առողջ 1172 մարդ:

Երկու դեպքում էլ գիտնականները վերլուծության են ենթարկել 1-10 տարվա ընթացքում հիվանդների կողմից օգտագործված սուրճի քանակը մինչեւ ՍՑ-ի ախտանիշների ի հայտ գալը: Վերլուծության է ենթարկվել նաեւ նույն ժամանակահատվածում առողջ մարդկանց օգտագործած սուրճի քանակը:

Շվեդական հետազոտության արդյունքները ցույց են տալիս, որ այն մասնակիցները, որոնք սուրճ չեն խմել վերջին մեկ տարվա ընթացքում, 1.5 անգամ ավելի են հակված ՑՍ-ով հիվանդանալուն՝ ի տարբերության այն մարդկանց, ովքեր ամեն օր են սուրճ խմել վերջին 5 կամ 10 տարիների ընթացքում:

Մասնագետները կարծում են, որ սուրճի պաշտպանիշ այդ հատկությունը կարող է կապված լինել դրա հիմնական բաղադրիչի՝ կոֆեինի հետ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է