• Latest news

Սրտի աշխատանքի հետ կապված 5 անսպասելի ախտանիշ

3 մարտի, 2015  13:46

Ախտորոշել սրտի կամ որեւէ այլ օրգանի աշխատանքի խանգարումներ կարող է միայն բժիշկը: Սակայն ինչպե՞ս իմանալ, երբ է  պետք  դիմել բժշկի:

Ներքոնշյալ ախտանիշները, որոնց մասին է գրում Foxnews.com-ը, կարող են մատնանշել սիրտ-անոթային համակարգի խանգարումները:

Ուժեղ հոգնածություն

Խոսքը այն հոգնածության մասին չէ, որն ի հայտ է գալիս անքուն գիշերներից հետո, այլ շատ ուժեղ հոգնածության մասին, որը ոչ մի կերպ չի անցնում:  Նյու Յորքի սրտի եւ անոթների ինստիտուտի մասնագետ Սյուզաննա Շթայնբաումի խոսքով՝ այսպիսի հոգնածությունը կարող է սրտի հետ կապված խնդիրների արդյունք լինել՝ չնայած այն բանի, որ շատերն այս հոգնածությանը ուշադրություն չեն դարձնում:

Այտուցված ոտքեր

Ոտքերը կարող են այտուցվել մի շարք պատճառներով՝ որոնց թվում են հղիությունը, անոթների վարիկոզ լայնացումը, ֆիզիկական ակտիվություն չներառող կենսակերպը: Սակայն, եթե ոտքերն այտուցվում են, դա, հնարավոր է, խոսում է սրտային անբավարարության մասին: Եթե նմանատիպ խնդիր ունեք, խորհուրդ է տրվում դիմել բժշկի:

Սուր ցավեր քայլելիս

Եթե Ձեր ոտքերի եւ ազդրերի մկանները ցավում են քայլելիս կամ կծկումներ են ի հայտ գալիս, ուրեմն հնարավոր է պերիֆերիկ անոթների ախտահարում: Այս ախտանիշի պատճառ կարող են լինել, իհարկե, նաեւ այնպիսի կենսակերպը, որի պայմաններում Դուք օրվա մեծ մասը նստած եք անցկացնում, բայց, այնումենայնիվ, ավելորդ չէր լինի խորհրդակցել բժշկի հետ:

Հաճախակի գլխապտույտներ

Գլխապտույտը կարող է մի շարք պատճառներ ունենալ, որոնք ոչ մի կերպ կապված չեն սրտի աշխատանքի հետ: Դրանցից են չափազանց ինտենսիվ մարզումները, անեմիան, ներքին ականջի հետ կապված խնդիրները: Սակայն երբեմն գլխապտույտների պատճառ է դառնում զարկերակային բարձր ճնշումը: Այդ պատճառով, եթե դուք նման ախտանիշներ ունեք, այցելեք բժշկի:

Հեւոց

Այս ախտանիշը ֆիզիկական ծանրաբեռնվածության եւ ավելորդ քաշի բացակայության պայմաններում կարող է խոսել միան սրտի եւ անոթների հետ կապված խնդիրների մասին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է