24-ամյա Վու Տաին մահացել է 19 ժամ անընդմեջ World of Warcraft հանրահայտ ցանցային խաղը խաղալուց հետո: Արեւմտյան լրատվամիջոցների փոխանցմամբ՝ տղան խաղացել է Շանհայի ինտերնետ-սրճարաններից մեկում, երբ հանկարծակի սկսել է հազալ եւ կորցրել է գիտակցությունը:
«Հանկարծակի ես լսեցի, ինչպես նա հառաչեց: Երբ թեքվեցի, որ տեսնեմ, ինչ է եղել, նա շատ գունատ էր եւ հիվանդ տեսք ուներ: Նա սրբում էր բերանը թաշկինակով, որի վրա արյուն կար», - պատմել է Քսին Լոն՝ մահացած երիտասարդի ընկերներից մեկը:
Ընկերները հարցրել են, ինչպես է Վուն զգում իրեն, ինչին նա պատասխանել է, որ արդեն լավ է: Տղաները շտապօգնություն են կանչել, բայց տղան մահացել է մինչեւ բժիշկների ժամանումը:
Իրավապահները նշել են, որ հերձումը ցույց կտա տղայի մահվան պատճառները, սակայն, ամենայն հավանականությամբ, այստեղ նշանակալից դեր է խաղացել 19 ժամ անընդմեջ համակարգչային խաղ խաղալը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր