Հավանեք մեր էջը ֆեյսբուքում

 

Հղիության ժամանակ հակադեպրեսանտների ընդունումը կարող է մանկիկների մոտ խնդիրներ առաջացնել

17 հունվարի, 22:51

Հղիության ընթացքում ընդունվող հակադեպրեսանտները կարող են մեծացնել երեխայի թոքային խնդիրների ռիսկը, համաձայն կանադացի գիտնականների նր հետազոտության:

Կայուն թոքային հիպերտենզիա կոչվող շնչառության հետ կապված խնդիրն առաջանում է, երբ թոքերում բարձր ճնշումն արգելակում է թթվածնի մուտքը:  Ախտանշանները ներառում են հաճախացած շնչառություն, արագացված սրտի աշխատանք, դժվարացած շնչառություն եւ մաշկի կապտավուն երանգ:

Դա շատ լուրջ վիճակ է, որը կարող է երկարատեւ առողջական խնդիրներ առաջացնել, Նյու Յորքի  համալսարանի Լանգոն բժշակական կենտրոնի տվյալների համաձայն, տեղեկացնում է CBS News-ը։

Հղիության ուշ ժամկետներում ՝ 33 շաբաթականից հետո,  երրորդ սերնդի հակադեպրեսանտների (սերոտոնինի հետադարձ զավթման  ընտրողական պաշարիչներ, ՍՀԶԸՊ) ազդեցությանը ենթարկված երեխաների մոտ հետազոտողները բացահայտել են  թոքերի հիվանդությունների  ռիսկի ոչ մեծ, բայց նկատելի ավլացում:  Դեղամիջոցի ազդեցությունը հղիության ավելի վաղ ժամկետներում կապված չի եղել վերոնշյալ ռիսկերի հետ:

2013 թվականի հունվարին հետազոտողները հայտարարել են, որ ՍՀԶԸՊ հակադեպրեսանտների օգտագործումը չի բարձրացնում մեռելածնության եւ կրծքի երեխայի մահվան ռիսկը:

Որոշ փորձագետներ կասկածի տակ են դրել այս հետազոտության եզրակացությունը, նշելով, որ  դեպրեսիան ինքնին կարող է վնասակար լինել ինչպես մոր, այնպես էլ զարգացող երեխայի համար:

Չբուժելու դեպքում դեպրեսիան  կարող է հանգեցնել սնուցման վատացման, հղիության ընթացքում անբավարար քաշի, քնի հետ կապված խանգարումների եւ  հոգեմետ դեղերի օգտագործման չարաշահման ռիսկի: Հղիության եւ ծննդաբերության, ինչպես նաեւ վաղաժամ ծննդաբերությունների  հետ կապված ռիսկը նույնպես մեծանում է:

NEWS.am Medicine

 

  • Կարդացեք նաև
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ի՞նչ եք կարծում՝ ճի՞շտ է, երբ ծնողները հրաժարվում են մտավոր կամ ֆիզիկական արատ ունեցող իրենց երեխաներից
Ա՛յո, դա նրանց իրավունքն է, եւ այդպես ավելի լավ կլինի ընտանիքի համար
Ո՛չ, ծնողները որեւէ դեպքում չպետք է հրաժարվեն իրենց երեխայից
Դժվարանում եմ պատասխանել