• Latest news▼

4D ՈւՁՀ-ն ցույց է տալիս պտղի արձագանքը ծխախոտի ծխին

25 մարտի, 2015  20:39

Դարհամ եւ Լանքասթեր բրիտանական համալսարանների հետազոտողները ուսումնասիրել են 4D ՈւՁՀ-ի ընթացքում արված նկարները: Պարզվել է, որ ծխող մայրերի երեխաներն իրենց պահում էին այլ կերպ եւ բերանով ավելի շատ ավելորդ շարժումներ էին անում՝ չծխող մայրերի երեխաների համեմատ:

«Նոր տեխնոլոգիաները թույլ են տալիս տեսնել այն, ինչը նախկինում վրիպում էր մեր աչքից: Այժմ մենք տեսնում ենք, որ ծխելն ազդում է պտղի զարգացման վրա այնպես, ինչպես մենք նախկինում կարծում էինք: Սա եւս մեկ անգամ ապացուցում է, որ հղիության ընթացքում ծխելը շատ վտանգավոր է», - նշել է պրոֆեսոր Բրայն Ֆրանսիսը՝ հետազոտության հեղինակներից մեկը:

Հետազոտության հեղինակների խոսքով՝ երեխաների ավելորդ շարժումները կապված են կենտրոնական նյարդային համակարգի հետ, որը վերահսկում է բոլոր շարժումները: Կարելի է պնդել, որ պտուղը ծխող մոր որովայնում սխալ է զարգանում: Բացի այդ՝ ավելի վաղ կատարված ուսումնասիրությունները ցույց են տվել, որ ծխող մոր երեխաների մոտ նկատվում է խոսակցական հմտությունների ուշացած զարգացում:

Հետազոտության շրջանակներում գիտնականները 20 առողջ պտուղների 80 ՈւՁՀ նկարներ են ուսումնասիրել: Երեխաներից 4-ի մայրերը օրական 14 ծխախոտ էին ծխում: Պատկերների վրա երեւում էր, ինչպես են ծխող մայրերի պտուղները պաշտպանական շարժումներ անում ձեռքերով, նկատվում էին նաեւ բերանի ավելորդ շարժումներ:

Այժմ գիտնականները մտադիր են ուսումնասիրել նաեւ հոր ծխելու սովորության ազդեցությունը պտղի զարգացման վրա:

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է