• Latest news

Սեռական շատ խնդիրների պատճառը սխալ տեղեկություննե՞րն են

28 մարտի, 2015  23:49

Այսօր համացանցում կարելի է գտնել բազմաթիվ տեղեկություններ սեռական կյանքի մասին, եւ այդ տեղեկությունները միշտ չէ, որ ճիշտ են եւ գրագետ: Առաջին հայացքից այդպիսի տեղեկությունների մեջ վնասակար ոչինչ չկա, սակայն իրականում ամեն ինչ այդքան էլ հեշտ չէ: Սեքսոպաթոլոգ Սեւադա Հակոբյանի խոսքով՝  հենց ոչ պրոֆեսիոնալ տեղեկությունները կամ, առհասարակ, տեղեկությունների ոչ ճիշտ ընկալումը կարող է բազմաթիվ սեռական խնդիրների պատճառ դառնալ:

Օրինակ, դեռահասը կարող է ոչ պրոֆեսիոնալ, ոչ բժշկական բնույթի տեղեկություններ ստանալ ինքնաբավարարման մասին, որոնք այդ երեւույթը ներկայացնում են որպես բացասական մի բան: Այս տեղեկությունների ազդեցության պատճառով դեռահասի մոտ կարող են բարդույթներ ու վախեր ձեւավորվել, քանի որ նա կսկսի մտածել, որ ինչ-որ վատ ու նախատելի բան է անում: Այս ամենը կարող է անդրադառնալ նրա աշխարհընկալման ու նույնիսկ հետագա սեռական կյանքի վրա:

Բժշկական տեսանկյունից՝ եթե դեռահասի մոտ հորմոնների ավելցուկ է նկատվում, այդ հորմոնները պետք է ինչ-որ կերպ օգտագործվեն, եւ այդ պատճառով ինքնաբավարարումը միանգամայն նորմալ է: Եթե դեռահասը տեղեկություններ ստանա ինքնաբավարարման մասին գրագետ բժշկական աղբյուրից կամ զրուցի այս երեւույթի մասին մասնագետի հետ, շատ ու շատ հարցեր ու խնդիրներ նրա մոտ պարզապես չեն առաջանա:

Հենց այդ պատճառով են մասնագետները միանշանակ պնդում, որ ճիշտ սեռական դաստիարակությունը եւ գրագետ տեղեկություններ ստանալը վաղ հասակում շատ կարեւոր են: Ավելին՝ սեռական դաստիարակությունը պետք է սկսվի ոչ թե դեռահաս տարիքում, այլ շատ ավելի շուտ՝ մտավորապես չորրորդ դասարանում: Հենց այդ տարիքում են երեխաների մոտ սկզբնավորվում ֆիզիոլոգիական փոփոխությունները, եւ սա առավել ճիշտ տարիք է երեխաների հետ եղած խնդիրները քննարկելու համար:

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է