Յուղոտ սնունդը բացասաբար է անդրադառնում հոգեկան վիճակի վրա

Գիտնականները ապացուցել են, որ յուղոտ սնունդը բացասաբար է անդրադառնում մարսողական համակարգի միկրոֆլորայի վրա, ինչի արդյունքում  սկսում է ճնշվել մարդու նյարդային համակարգը: Համապատասխան հոդվածը լույս է տեսել Biological Psychiatry ամսագրում:

Հետազոտողները մկների երկու խմբի վրա փորձարկումներ են անցկացրել: Առաջին խումբը նորմալ սնունդ էր ստանում, իսկ երկրորդը՝ յուղոտ սնունդ: Դրանից հետո գիտնականները միկրոֆլորայի նմուշներ են վերցրել երկրորդ խմբի մկների մարսողական համակարգից եւ պատվաստել դրանք այն կրծողներին, որոնք ճիշտ էին սնվում:

Գիտնականներին հաջողվել է ֆիքսել այդ մկների վարքագծի փոփոխությունները: Նրանց մոտ զայրույթի նոպաներ էին սկսվում, վատանում էր հիշողությունը, բարձրանում էր տագնապայնությունը: Հետազոտողները պնդում են, որ իրենց հետազոտության արդյունքները թույլ տվեցին վերհանել այն փաստը, որ յուղոտ սնունդը, ճարպակալումից զատ, կարող է նաեւ այլ վնասակար ազդեցություն ունենալ:

Հետևեք NEWS.am Medicine-ին Facebook-ում և Twitter-ում