• Latest news

Օրական 9 ժամից ավել քնելը վնասակա՞ր է առողջության համար

29 մարտի, 2015  11:17

Քնի պակասը (օրական 5-6 ժամից քիչ) շատ վտանգավոր է առողջության համար, քանի որ ավելի հավանական է դարձնում որոշ հիվանդությունների զարգացումը: Սակայն երկարատեւ քունը եւս օգտակար չէ, նշում է Քնի խանգարումների հայկական ասոցիացիայի նախագահ Սամսոն Խաչատրյանը:

Նրա խոսքով՝ այն մարդիկ, որոնք օրական 9 ժամից ավել են քնում (10-11 ժամ) նույնպես գտնվում են ռիսկի խմբում, քանի որ մի շարք հիվանդությունների զարգացումը կրկին ավելի իրական է դառնում: Սակայն ինչու է դա այդպես, պարզ չէ:

Ինչպես նշում է մասնագետը, եթե երկարատեւ քնի եւ որոշ հիվանդությունների միջեւ կապն արդեն ապացուցված է, ապա դեռեւս հայտնի չէ այդ կապի մեխանիզմը: Երկարատեւ քունը հիվանդությունների պատճա՞ռ է թե ախտանիշ: Բացառված չէ, որ եթե մարդը երկար է քնում եւ ոչ մի կերպ չի կարողանում քունն առնել, իսկ ցերեկն էլ քնկոտ է, դա կարող է բուժման կարիք ունեցող որեւէ հիվանդության ախտանիշ լինել:

Հիշեցնենք, որ վերջերս Քեմբրիջի համալսարանի գիտնականները պարզել են, որ այն մարդիկ, որոնք օրական 8 ժամից ավել են քնում, ավելի են հակված ինսուլտ ստանալու: Սակայն այս պարագայում եւս դեռ հայտնի չէ, արդյոք երկարատեւ քունը սիրտ-անոթային հիվանդությունների պատճառ է թե հետեւանք:

Սամսոն Խաչատրյանի խոսքով՝ քնի օպտիմալ տեւողությունը չափահաս մարդու համար կազմում է 6-8 ժամ, ընդ որում՝ նախընտրելի է քնել գիշերը, այլ ոչ ցերեկը, եւ բավականաչափ պետք է քնել ամեն օր, այլ ոչ թե փորձել քունն առնել հանգստյան օրերին:

Եթե դուք քնի խանգարումներ ունեք, ահա մի քանի խորհուրդ, որոնք կարող են օգնել հաղթահարել այդ խնդիրները: Եթե դրանք էլ չեն օգնում, հավանաբար, մասնագետի դիմելու կարիք կա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է