• Latest news

ԱՄՆ ընդունել է հակաբիոտիկների նկատմամբ կայունության դեմ պայքարի հնգամյա պլան

30 մարտի, 2015  22:39

ԱՄՆ իշխանությունները ընդունել են բակտերիաների՝ հակաբիոտիկների նկատմամբ կայունության դեմ պայքարի հնգամյա պլանը:

Նոր այս պլանը, որը մշակվել է նախագահի համապատասխան հրամանագրով, կոչված է «հակաբիոտիկային կայունության» դեմ համազգային պայքարի «ճանապարհային քարտեզ» դառնալ եւ  «տեսականորեն ի զորու է հազարավոր կյանքեր փրկել», նշվում է Սպիտակ տան տարածած հայտարարության մեջ:

Այս պլանը նախատեսում է միջոցառումների մի ամբողջություն, որը նպատակ ունի ամրապնդել հակաբիոտիկային կայունությամբ պայմանավորված ինֆեկցիոն հիվանդությունների սրացման կանխարգելման ներքին եւ միջազգային ներուժը, ստեղծված եւ ստեղծվող հակաբիոտիկների արդյունավետությունը: Ձեռնարկվող միջոցներից է նաեւ ախտորոշման եւ պատվաստման նոր մեթոդների ստեղծումն ու տարածումը: 2016 ֆինանսական տարում այս պլանի իրագործման համար նախատեսված է 1.2 մլրդ դոլար, հայտնում է ТАСС-ը:

Բնապահպանները հիշեցնում են, որ հակաբիոտիկները ակտիվ կիրառություն ունեն նաեւ ԱՄՆ գյուղատնտեսական ոլորտում: Նոր պլանը, սակայն, կրկին չի սահմանափակում հակաբիոտիկների՝ տնտեսություններում պահվող կենդանիների օրգանիզմ մուտք գործելու հավանականությունը, նշում է  Բնական ռեսուրսների պաշտպանության ազգային խորհրդի իրավաբան Մեյ Վուն: Նրա համոզմամբ՝ իշխանությունները պետք է պաշտպանեն մարդկանց առողջությունը, այլ ոչ ոլորտում ընդունված վնասակար պրակտիկան, իսկ դրա համար պետք է սահմանափակվի հակաբիոտիկների օգտագործումը:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է