• Latest news

FDA-ն հավանության է արժանացրել 2–րդ տիպի դիաբետի բուժման սկզբունքները փոխող նոր դեղերը

30 մարտի, 2015  19:38

Դեղամիջոցների նոր խումբը կարող է ամբողջապես փոխել երկրորդ տիպի դիաբետի բուժումը: SGLT2 ինհիբիտորներ կոչվող նոր դեղամիջոցները ոչ միայն դուրս են բերում ավելորդ շաքարը մեզի միջոցով, այլ նաեւ օգնում են ազատվել ավելորդ քաշից՝ բարելավելով ընդհանուր ինքնազգացողությունը:

Ամերիկյան FDA-ն հավանության է արժանացրել 3 SGLT2 ինհիբիտորների առանձին կամ դիաբետի դեմ պայքարող այլ դեղերի հետ համակցված օգտագործումը: Canagliflozin-ը (Invokana) հավանության է արժանացել դեռեւս 2013 թվականի մարտին, Dapagliflozin-ը (Farxiga)՝ 2014 թվականի հունվարին, իսկ Empagliflozin-ը (Jardiance)՝ 2014 թվականի օգոոստոսին: Վերջին այս դեղամիջոցը 7 կլինիկական փորձարկում է անցել՝ 4480 կամավորների մասնակցությամբ: Փորձարկումների արդյունքում պարզվել է, որ պլացեբոյի համեմատ՝ այն զգալիորեն բարելավում է A1c հեմոգլոբինի պարունակությունը արյան մեջ:

Դիաբետի դեմ պայքարող դեղերի մեծամասնությունը ազդում է լյարդի, աղիների եւ ենթաստամոքսային գեղձի վրա, ինսուլինի սինթեզն ակտիվացնելու կամ օրգանիզմը ինսուլինի նկատմամբ ավելի զգայուն դարձնելու համար: Իսկ նոր դեղամիջոցներն գործում են այլ կերպ: Դրանք ազդում են երիկամների վրա եւ կասեցնում շաքարի ներծծումը: Այդպես շաքարն ավելի հեշտ է դուրս բերվում օրգանիզմից, դրա պարունակությունը արյան մեջ նվազում է:

Փարձագենտների խոսքով՝ նոր դեղամիջոցները հատկապես օգտակար կլինեն ճարպակալմամբ տառապող մարդկանց համար, եթե նրանք, իհարկե, երիկամների հետ խնդիրներ չունեն: Իսկ երիկամների հիվանդություն ունեցողներիին, հղի կանանց, ինչպես նաեւ առաջին տիպի դիաբետ ունեցողներին այս դեղորայքը նշանակել չի կարելի:

Դեղամիջոցների փորձարկման ժամանակ նաեւ պարզ է դարձել, որ դրանք իջեցնում են քաշը 2.8-5.7 տոկոսով, ինչը նույնպես օգտակար է դիաբետով տառապողների առողջության համար: Հիշեցնենք, որ դիաբետի դեմ պայքարող մնացած դեղամիջոցները կամ ոչ մի կերպ չեն ազդում քաշի վրա, կամ էլ, ընդհակառակը, նպաստում են ավելորդ կիլոգրամներ հավաքելուն:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է