Լիբերիայի իշխանությունները բնակչությանը կոչ են անում զերծ մնալ սեքսից՝ Էբոլայի պատճառով

Լիբերիայի իշխանությունները կոչ են անում Էբոլայի վիրուսով վարակում ունեցած մարդկանց զերծ մնալ սեռական կոնտակտներից կամ էլ պահպանակներ օգտագործել նույնսիկ ԱՀԿ կողմից սահմանված երեք ամիս տեւողությամբ ժամկետից հետո:

Ինչպես հաղորդում է Reuters-ը, սեռական կոնտակտները սահմանափակել հորդորող պաշտոնական հայտարարությամբ հանդես է եկել Լիբերիայի առողջապահության փոխնախարար Տոլբերտ Նյենսվան, որը համակարգում է վիրուսի դեմ պայքարը երկրում:

Փոխնախարարը նշել է, որ  Էբոլայից մահացած 44-ամյա կինը, հավանաբար, վարակվել է մի տղամարդուց, որը զերծ է մնացել սեռական հարաբերություններից բժիշկների սահմանած ժամկետում:

Վերջին հետազոտությունների տվյալներով՝ Էբոլայի վիրուսի հետքերը պահպանվում են տղամարդու սերմնահեղուկի մեջ ամբողջական ապաքինումից հետո 82 օրվա ընթացքում: Այժմ, սակայն, պարզ չէ՝ վիրուսն այս դեպքում վիրուլենտ է թե ոչ:

Լիբերիայում Էբոլայի վիրուսով վարակվել է ավելի քան 9.6 հազար մարդ, մահացել է 4.3 հազարը: Արեւմտյան Աֆրիկայում Էբոլայի զոհ է դարձել 9004 մարդ, եւս 22 525-ը վարակվել են:

Հետևեք NEWS.am Medicine-ին Facebook-ում և Twitter-ում