• Latest news

Ամեն հինգերորդ 11 տարեկան աղջիկը դիետա է պահել

31 մարտի, 2015  18:42

11 տարեկան աղջիկների քսան տոկոսն առնվազն մի անգամ որեւէ տեսակի դիետա է  պահել: Այս մասին են վկայում Իրավահավասարության հարցերով բրիտանական կառավարական բյուրոյի կողմից իրականացված փորձարկման արդյունքները:

Բյուրոյի աշխատակիցների կողմից իրականացված հարցումները ցույց են տվել, որ աշակերտուհիների մեծամասնությունը համոզված է, որ այժմ գնահատվում է կնոջ արտաքին տեսքը միայն, այլ ոչ կրթությունն ու գիտելիքները: Այդ պատճառով աղջիկները ձգտում են ոչ թե լավ սովորել, այլ լավ տեսք ունենալ:

Ավելին՝ պարզվել է, որ ամեն 6-րդ աշակերտուհին խուսափում է բուժհաստատություներ այցելելուց  սեփական արտաքին տեսքից դժգոհելու պատճառով: Ընդ որում՝ 5-11 տարեկան ամեն 5-րդ աղջիկը արդեն փորձել է դիետա պահել՝ նիհարելու եւ ավելի լավ տեսք ունենալու համար: Սակայն, միաժանակ հարկ է նշել, որ իրենց արտաքին տեսքից դժգոհ աղջիկները սպորտով չեն զբաղվում: Ինչպես ցույց է տվել հետազոտությունը, 7-21 տարեկան աղջիկների 23 տոկոսը չի զբաղվում սպորտով, քանի որ ամաչում է իր կազմվածքից, շատերն էլ նաեւ մտածում են, որ քրտնելը շատ տգեղ երեւույթ է:

Սեփական մարմնից մշտական դժգոհությունը, սխալ պատկերացումները գեղեցկության մասին կանանց եւ աղջիկների շրջանում իսկական համաճարակի են վերածվել, ինչը նպաստում է բազմաթիվ հոգեբանական խնդիրների ի հայտ գալուն: Բարդույթները կարող են նաեւ վտանգավոր վարքագծի պատճառ դառնալ՝ հանգեցնելով թմրանյութերի, ախորժակը վերահսկելու նպատակով ծխելու, ինչպես նաեւ մի շարք այլ վտանգավոր դիետաների:

Հոգեբանները նշում են նաեւ, որ չափահաս մարդկանց 90 տոկոսը ցանկանում է փոխել կնոջ գեղեցկության մասին գոյություն ունեցող պատկերացումները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է