• Latest news

Սուրճը նվազեցնո՞ւմ է քաղցկեղի առաջացման հավանականությունը

2 ապրիլի, 2015  11:45

Ալկոհոլային խմիչքները բարձրացնում են լյարդի քաղցկեղի առաջացման հավանականությունը, ցույց է տալիս World Cancer Research Fund International-ի (WCRF) գիտնականների գետազոտությունը, իսկ սուրճը՝ նվազեցնում:

Հետազոտության հեղինակների խոսքով՝ օրական 3 եւ ավելի բաժակ ալկոհոլը նպաստում է լյարդի քաղցկեղի զարգացմանը, հատկապես եթե ալկոհոլը լյարդում բորբոքման պատճառ է դառնում: Իսկ սուրճը նվազեցնում է բորբոքման համար պատասխանատու գեների էքսպրեսիան՝ նվազեցնելով այդպիսով լյարդի մի շարք հիվանդությունների առաջացման հավանականությունը: Սակայն իրականում սուրճի «հակաքաղցկեղային» մեխանիզմների աշխատանքի էությունը դեռեւս անհայտ է:

Գիտնականները վերլուծել են 8 միլիոն տղամարդ ներառած 34 գիտական հետազոտություն, ինչպես նաեւ լյարդի քաղցկեղի 24 600 դեպք: Պարզվեց, որ այն մարդիկ, ովքեր ալկոհոլի հետ մեկտեղ սուրճ էին օգտագործում, ավելի հազվադեպ էին հիվանդանում լյարդի քաղցկեղով՝ այն մարդկանց համեմատ, ովքեր միայն ալկոհոլ են օգտագործել:

Հատկանշական է, որ ալկոհոլում պարունակվող աֆլաթոքսինները (բորբոսի տեսակ) նույնպես ավելի հավանական են դարձնում քաղցկեղը եւ կարող են հանգեցնել լյարդի քայքայման: Նույն այդ բորբոսը երբեմն հանդիպում է նաեւ այլ մթերքներում (հատկապես ձավարեղենում, համեմունքներում, արախիսում, ընկուզեղենի որոշ տեսակներում, չիլի բիբարում, չիրում եւ այլն), հատկապես եթե դրանք սխալ են պահպանվել: Հավանաբար, սուրճը կարող է հատուցել նաեւ բորբոսի այս տեսակի կողմից օրգանիզմնի հասցրած վասը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է