• Latest news

Ճապոնիայում Էբոլան 15 րոպեի ընթացքում ախտորոշող թեստ են ստեղծել

1 ապրիլի, 2015  17:38

Denka Seiken ճապոնական ընկերության մասնագետները եւ Հոքայդո համալսարանի գիտնականները Էբոլայի ախտորոշման նոր սարքավորում են ստեղծել, որն ի վիճակի է ախտորոշել հիվանդությունը 15 րոպեի ընթացքում: Այն ստեղծվել է ընկերության կողմից արտադրվող գրիպի ախտորոշման սարքավորման հիման վրա: Սարքավորումը տեղավորվում է ափի մեջ, շատ հեշտ է տեղափոխվում եւ էլեկտրաէներգիայի սնուցման աղբյուր չի պահանջում: Հոքայդո համալսարաի զոոնազային ինֆեկցիաների ուսումնասիրման կենտրոնի գիտնականները հաջողությամբ փորձարկել են սարքավորումը Էբոլայով վարակված կապիկների արյան նմուշների վրա: Մոտ ապագայում այն կփորձարկվի նաեւ մարդու արյան նմուշների վրա: Գիտնականները կարծում են, որ վաղ ախտորոշումը կարող է կանխարգելել վիրուսի տարածումը:

«Վաղ շրջանում ինֆեկցիան ախտորոշելու դեպքում թույլ կտա անցնել հիվանդության բուժման եւ կանխարգելել դրա տարածումը: Մենք կշարունակենք հետազոտությունը, որպեսզի սարքավորումը հնարավորինս շուտ կիրառվի», - մեջբերում է Կիոդո գործակալությունը Հոքայդո համալսարանի պրոֆեսոր Այատո Տակադուին: Այժմ Էբոլայի ախտորոշումը ժամանակակից լաբորատորիաներում մի քանի ժամ է պահանջում: ԱՀԿ վերջին տվյալներով՝ ամբողջ աշխարհում Էբոլայով վարակվել է 25 հազար մարդ, 10 հազարը մահացել է:

Հիվանդության բռնկումը տեղի է ունեցել Արեւմտյան Աֆրիկայում 20014 թվականի փետրվարին: Հիվանդության պատճառով այլ երկրներից շատ տուժել են Գվինեան, Լիբերիան, Սիերա Լեոնեն: Վերջին շրջանում հիվանդության նոր դեպքերի թիվը զգալիորեն կրճատվել է, ինչը խոսում է այն մասին, որ համաճարակը թուլանում է:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է