• Latest news

Քանի՞ հոգի է Հայաստանում դիմում բժշկի՝ կանխարգելիչ նպատակներով

17 ապրիլի, 2015  22:40

Կանխարգելիչ միջոցառումների կարեւորության մասին բոլոր մասնագետներն են խոսում: Ցանկացած հիվանդություն շատ ավելի հեշտ է կանխարգելել, քան քան բուժել, իսկ բուժումն էլ ավելի արդյունավետ է հիվանդության վաղ փուլում: Ինչքանով են կանխարգելիչ հետազոտությունները տարածված մեր երկրում:

Հայ-ամերիկյան բժշկական կենտրոնի ղեկավար Խաչանուշ Հակոբյանի խոսքով՝ կանխարգելմա մշակույթը Հայաստանում սկսել է զարգանալ, եւ այսօր հիվանդների մոտ 60 տոկոսը գալիս է հետազոտությունների առանց գանգատներ ու խնդիրներ ունենալու:

«Երկու տարի առաջ ես հարցին ի պատասխան կասեի, որ հիվանդների մոտ 40 տոկոսն է գալիս կանխարգելիչ հետազոտությունների: Եթե 15 տարի առաջ ինձ այս հարցը տայքի, ես կասեի, որ ոչ մեկն էլ չի գալիս կանխարգելիչ հետազոտությունների, քանի որ այն ժամանակ մարդիկ տեղեկություններ չունեին կանխարգելիչ հետազոտությունների կարեւորության մասին: Սակայն այսօր հիվանդների արդնե 60 տոկոսն է գալիս կանխարգելիչ հետազոտությունների», - նշեց Խաչանուշ Հակոբյանը՝ պատասխանելով NEWS.am Medicine –ի թղթակցի հարցերին:

Մեր զրուցակիցը հիշեցրեց նաեւ, որ հայ-ամերիկյան բժշկական կենտրոնի կազմակերպած՝ մարտի 8-ից ապրիլի 7-ը տեւած ակցիայի ընթացքում շատ կանայք եկել են մամոգրաֆիկ հետազոտություններ: 154 կանանցից 14 քաղցկեղ ունեին՝ չնայած նրան, որ այն ոչ մի կերպ չէր դրսեւորվում: Բոլոր այդ կանանց մոտ քաղցկեղը վաղ փուլում է ախտորոշվել, ինչը բարձրացնում է բուժման հավանականությունը: Եթե այդ կանայք հետազոտվեին մի քանի տարի հետ, բուժման հավանականությունը շատ ցածր կլիներ:

Հիշեցնենք, որ 40-անց կանանց խորհուրդ է տրվում ամեն տարի կանխարգելիչ մամոգրաֆիկ հետազոտություն անցնել: Իսկ արգանդի վզիկի քաղկցեղի եւ սիրտ-անոթային հիվանդությունների կանխարգելման համար ցանկալի է ոչ վարակիչ հիվանդությունների սքրինինգային ծրագրի շրջանակում անվճար հետազոտություն անցնել պոլիկլինիկայում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել