Քաղցկեղի բուժման հետ կապված համաշխարհային ծախսերն 2014 թվականին կազմել են $100 մլրդ, ինչը 10.3 տոկոսվ ավելի է նախորդ տարվա համեմատ: Հինգ տարի առաջ այդ ծախսերը կազմել էին $75 մլրդ:
Հրատարակված տվյալների համաձայն՝ դեղորայքի վրա ծախսվող ընդհանուր միջոցների 10.8 տոկոսը բաժին է հասնում հակաքաղցկեղային դեղամիջոցներին:
Բոլորից շատ հակաքաղցկեղային թերապիայի վրա ծախսում է ԱՄՆ՝ համաշխարհային ծախսերի 42.2 տոկոսը: Դրանց են հետեւում եվրոպական երկրները՝ Գերմանիան, Ֆրանսիան, Մեծ Բրիտանիան, Իսպանիան, Իտալիան:
Վերջին 4 տարվա ընթացքում (2010-2014 թթ) վաճառքում է հայտնվել 45 նոր դեղամիջոց: Նորարարական թերապիան հասանելի է ԱՄՆՙ, Գերմանիայի, Մեծ Բրիտանիայի, բնակիչները, այնինչ նոր դեղամիջոցների կեսն է միայն հասանելի Հարավային Կորեայում, Իսպանիայում կամ Ճապոնիայում:
Փորձագետների խոսքով՝ 2018 թվականին քաղցկեղի բուժման թերապիայի ծախսերը կհասնեն $117-147 մլրդ: Համարվում է, որ մի քանի մրցակից իմունակենսաբանական միջոցների՝ վաճառքում հայտնվելը թույլ կտա կայունացնել քաղցկեղի թերապիայի արժեքը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր