ՀՀ առողջապահության նախարարությունում անցկացվեց հուլիսի 2-ից 4-ը մայրաքաղաքում կայանալիք Հայաստանի 4-րդ Միջազգային բժշկական համագումարի կազմկոմիտեի նիստ:
Հայաստանի 4-րդ Միջազգային բժշկական համագումարի նախագահ Արա Բաբլոյանը եւ կազմկոմիտեի անդամները ՀՀ առողջապահության նախարար Արմեն Մուրադյանին ներկայացրեցին նախապատրաստական ընթացիկ աշխատանքները:
Համագումարի ծրագրի շրջանակում նախատեսվում է միջազգային ճանաչում ունեցող փորձագետների եւ առողջապահության ոլորտի մասնագետների, ինչպես նաեւ աշխարհասփյուռ հայ բժիշկների եւ բուժքույրերի մասնակցությունը:
Այս համագումարի ընթացքում անդրադարձ կկատարվի ընդհանուր բժշկությանը, դեղաբանությանը, բուժքույրական գործին, նյարդաբանությանը, ստոմատոլոգիային, սրտաբանությանը, գենետիկային, ինչպես նաեւ այլ ոլորտներին վերաբերող բազում թեմաների: Մասնագետների ուշադրության կենտրոնում կլինեն նաեւ հանրային առողջությանը վերաբերող մի շարք հարցեր:
Սաթելիտային սիմպոզիումներ կկազմակերպվեն հուլիսի 1-ին` միջազգային եւ մարզային համագործակցության կամրջելու, ինչպես նաեւ ոլորտային նորագույն մոտեցումները փոխանցելու նպատակով:
Համագումարի երրորդ օրը ամբողջությամբ կնվիրվի Հայաստան-Սփյուռք ծրագրերին: Կանախատեսվում է, որ լայնամսաշտաբ այս միջոցառմանը Հայաստան կժամանի ավելի քան 250 բուժաշխատող:
Գործում է նաեւ համագումարի պաշտոնական կայքը` www.4imca.am:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր