• Latest news

Հայաստանը պատրաստ չէ ալյուրի հարստացման ծրագրի ներմուծմանը. փորձագետ

27 մայիսի, 2015  21:41

Հայաստանն առայժմ պատրաստ չէ ալյուրի հարստացման ծրագրի ներմուծմանը, կարծում է «Պաշտպանված եւ իրազեկ սպառող» ՀԿ նախագահ Բաբկեն Պիպոյանը:

«Գիտնականների վեճերի մեջ ես չեմ խորանում, բայց կարծում եմ, որ Հայաստանը պատրաստ չէ այս ծրագրի ներմուծմանը», - նշեց բանախոսը՝ հավելելով, որ, կարծում է նաեւ, որ սպառողին պետք է ազատ ընտրելու հնարավորություն տրամադրել, ինչպես նաեւ պետք է ապահովել մոնիտորինգային բոլոր ծրագրերի հասանելիությունը, որոնք, ի դեպ, այս պահին մեր երկրում պարզապես չկան:

Նրա խոսքով՝ եթե Սննդամթերքի անվտանգության ծառայությունը հստակ մոնիտորինգային պլան ներկայացնի, Երեւանի երկու շրջանում, երկրի երկու մարզում հնարավոր կլինի փորձարկել պիլոտային ծրագիրը եւ տեսնել, թե ինչպես կաշխատի այն: Եթե ամեն ինչ ճիշտ արվի, հնարավոր կլինի մտածել ծրագրի ընդլայնման մասին:

«Եթե այս ամենն արվի, ես ինքս կդառնամ այս ծրագրի կողմնակիցը: Սակայն, ցավոք, չեմ դառնա, քանի որ այս ամենի իրագործման համար մասնագիտական որակներ են պետք, որոնք բացակայում են», - նշեց Բաբկեն Պիպոյանը:

Հիշեցնենք, որ ՀՀ Առողջապահության նախարարությունը պլանավորում է հարստացնել ալյուրը երկրում ֆոլաթթվով ու երկաթով: Օրինագիծն արդեն գտնվում է Ազգային ժողովում: Սակայն հանրությունը հիմնականում խիստ բացասաբար է վերաբերվում այս ծրագրին: Դրա դեմ են հանդես գալիս նաեւ շատ ակտիվիստներ ու փորձագետներ:

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է