• Latest news

Գիտնականներն ընդհուպ մոտեցել են հիպերտոնիայի դեմ պատվաստանյութի ստեղծմանը

29 մայիսի, 2015  10:45

Ճապոնացի գիտնականները կենդանիների վրա փորձարկել են զարկերակային ճնշման բուժման սկզբունքորեն նոր մեթոդ: Այսպես կոչված ԴՆԹ-պատվաստանյութի ներարկումը առնետներին առնվազն կես տարվա կտրվածքով բուժական էֆեկտ էր ապահովում:

Զարկերակային հիպերտենզիան ժամանակակից մարդկության իսկական անեծքն է, որոշ զարգացած երկրներում բարձր զարկերակային ճնշում ունի չափահաս բնակչության գրեթե կեսը:

Այժմ բժիշկների զինանոցում բազմաթիվ արդյունավետ դեղեր կան հիպերտենզիայի բուժման համար, սակայն գրեթե բոլոր այդ դեղերը մեկ բացասական կողմ ունեն՝ դրանք պետք է ընդունել ամեն օր: Իսկ ահա Ճապոնացի գիտնականները բուժման նոր մեթոդ են մշակել: Մեկ ներարկումը բուժական էֆեկտ կապահովի կես տարվա ընթացքում:

Օսակա քաղաքի համալսարանի աշխատակիցները (Osaka University in Japan) ԴՆԹ-պատվաստանյութ են ստեղծել, որն ազդում է անմիջապես անգիոտենզին II-ի՝բարձր զարկերակային ճնշմանը նպաստող հորմոնի վրա:

Գիտնականներն իրենց ստեղծած դեղորայքը ներարկել են լաբորատոր առնետներին երկու շաբաթը մեկ:

Դրանից հետո կենդանիների մոտ ճնշումը նորմալանում էր, եւ այս էֆեկտը պահպանվում էր 6 ամսվա ընթացքում:

Այժմ հեղինակները փորձում են կատարելագործել դեղորայքը՝ այնպես, որ դրա էֆեկտը շարունակվի էլ ավելի երկար՝ ընդ որում՝ միայն մեկ ներարկումից հետո:

Ճապոնացի գիտնականների խոսքով՝ զարկերակային ճնշման բուժման այսպիսի մեթոդը ոչ միայն մնացած մեթոդներից շատ ավելի հարմար է պացիենտների համար, այլ նաեւ ավելի էժան: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է