ԱՀԿ ստանդարտների եւ Հայաստանի ազգային ստանդարտների համաձայն՝ հղի կանանց հղիության առաջին երեք ամիսներին պետք է նշանակել 400 միկրոգրամ ֆոլաթթու, բայց Հայաստանում նշանակում շատ ավելի շատ՝ 5 միլիգրամ, նշում է կենսաֆիզիկոս Գագիկ Կարապետյանը:
Նրա խոսքով՝ Մեծ Բրիտանիայի գիտնականների տվյալների համաձայն՝ դեպքերի մեծամասնությունում ֆոլաթթվի 260 միկրոգրամը չի նյութափոխանակվում մարդու օրգանիզմում: Վիտամինի մնացած մասը հայտնվում է արյան մեջ եւ կարող է մի շարք խնդիրներ առաջացնել:
Ֆոլաթթվի, ինչպես նաեւ մնացած բոլոր սինթետիկ վիտամինների ավելցուկը կարող է շատ վտանգավոր լինել, նշում է կենսաֆիզիկոսը: Մասնավորապես, ֆոլաթթվի ավելցուկը կարող է նպաստել քաղցկեղի զարգացմանը :
Գագիկ Կարապետյանի խոսքով՝ Առողջապահության նախարարությունը նախընտրում է թաքցնել, ինչքան ֆոլաթթու ու երկաթ են պլանավորում ավելացնել ալյուրի մեջ ներկայումս քննարկվող ալյուրի հարստացման ծրագրի շրջանակներում: Կան տվյալներ, որ մեկ կլիկոգրամ ալյուրին ավելացնելու են 1.3 մգ ֆոլաթթու եւ 30 մգ երկաթ: 1.3 միլիգրամ ֆոլաթթուն, մասնագետի խոսքով, արդեն ավելի շատ է, քան օրական պետք է առողջ մարդուն:
«Նույնիսկ եթե անտեսենք ֆոլաթթուն, որն արդեն իսկ պարունակվում է խմորիչների մեջ, կստացվի, որ 400 գրամ հացից ստացվում է 400 միկրոգրամ ֆոլաթթու՝ այնքան, որքան խորհուրդ են տալիս հղի կանանց: Ստացվում է, որ ֆոլատի քանակը, որը խորհուրդ է տրվում հղի կանանց հղիության երրորդ ամսում, մենք կընդունենք ամեն օր մեր ողջ կյանքի ընթացքում: Միակ բացատրությունն այն է, որ Առողջապահության նախարարությունը ողջ բնկաչությանը ընկալում է որպես հղի կին», - նշեց կենսաֆիզիկոսը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր