• Latest news

Քաղցկեղի դեմ պայքարելու համար գիտնականները առաջին անգամ գենետիկորեն մոդիֆիկացված վիրուսներ են կիրառել

29 մայիսի, 2015  12:45

Բրիտանացի գիտնականները Royal Marsden լոնդոնյան հիվանդանոցից եւ Քաղցկեղի հետազոտման ինստիտուտից հաջողությամբ կիրառել են գենետիկորեն մոդիֆիկացված վիրուսները քաղցկեղի դեմ պայքարելու համար: Նոր մեթոդի փորձարկմանը մասնակցել է 436 հիվանդ:

«Մենք սովորաբար ընկալում ենք վիրուսները որպես մարդկության թշնամիներ, սակայն դրանց՝ բջիջները վարակելու հատկությունը կարող է չարորակ ուռուցքների դեմ պայքարի խոստումնալից մեթոդ դառնալ», - կարծում է Քաղցկեղի հետազոտման ինստիտուտի գլխավոր տնօրեն Փոլ Ուորկմենը:

Գենետիկորեն մոդիֆիկացված վիրուսների օգտագործմամբ թերապիայի կիրառման արդյունքում հնարավոր եղավ երկարացնել մելանոմայով՝ մաշկի քաղցկեղով հիվանդների կյանքը: Նոր այս մեթոդի միջոցով փորձել են ազդել քաղցկեղի ագրեսիվ, վիրահատության հնարավորություն չընձեռող տեսակների վրա: Այս հիվանդների կյանքը հնարավոր եղավ երկարացնել միջինում 20 ամսով:

Այլ դեպքերում արդյունքները ավելի համեստ էին: Չնայած դրան՝ հետազոտության ընթացքում առաջին անգամ ապացուցվեց այսպես կոչված ուռուցքաբանական վիրուսների կիրառմամբ թերապիայի արդյունավետությունը: Մեթոդը ստացավ իմունոթերապիա ավանումը: Հերպեսի վիրուսի գեները մոդիֆիկացվել են այնպես, որ այն ազդի միայն քաղցկեղով ախտահարված բջիջների վրա՝ առանց առողջ բջիջների վրա իր ազդեցությունը տարածելու: Գիտնականների կարծիքով՝ այս վիրուսների կիրառման հաջող փորձը կարող է ճանապարհ հարթել քաղցկեղի բուժման այլ մեթոդների կիրառման համար: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է