• Latest news

ՌԴ-ում դեռ երկմտում են, իսկ ԱՄՆ–ում արդեն որոշել են. 2021 թվականի հայ բժիշկների համագումարը կանցկացվի Մոսկվայում (ֆոտո)

4 հուլիսի, 2015  18:08

Հայաստանի 4-րդ միջազգային բժշկական համագումարի նախագահ Արա Բաբլոյանը եզրափակիչ նիստի ընթացքում առաջարկեց AMIC-ին (Armenian Medical International Committee), որը զբաղվում է Հայաստանից դուրս հայ բժիշկների համագումարի կազմակերպմամբ, դիտարկել հաջորդ համագումարներից մեկը Մոսկվայում անցկացնելու հնարավորությունը: Այսպիսի առաջարկությամբ նա հանդես եկավ ՌԴ Հայերի միության բժիշկների ասոցիացիայի նախագահ Բագրատ Ալեքյանի ելույթից հետո: Վերջինս իր ելույթում առաջարկեց ավելի լավ օգտագործել ՌԴ-ում ապրող հայ բժիշկների ներուժը:

Արա Բաբլոյանը հիշեցրեց, որ 2017 թվականին համագումարը տեղի կունենա Արգենտինայում, 2019-ին՝ Հայաստանում, իսկ օրինակ, 2021-ին կամ 2025-ին այն կարելի է կազմակերպել ՌԴ-ում: Բագրատ Ալեքյանը այս առաջարկությանն ի պատասխան նշեց, որ կարող է ստույգ պատասխանել միայն մեկ տարի անց, իսկ AMIC ներկայացուցիչ Վիգեն Սեֆիլյանը (Կալիֆորնիա, ԱՄՆ) կատակով նշեց, որ, քանի դեռ Բագրատ Ալեքյանը մտածում է, AMIC-ն արդեն որոշել է, որ 2021-ի համագումարը տեղի կունենա Մոսկվայում: «Շտապ կազմակերպվեք, քանի որ մենք գալու ենք», - նշեց նա: Իսկ Մոսկվայի համագումարը պատշաճ կարգով կազմակերպելու համար Արա Բաբլոյանը խոստացավ նրանց մոտ գործուղել 4-րդ համագումարի փոխնախագահ Գեւորգ Յաղջյանին, որը կոորդինացրել է բոլոր կազմակերպչական աշխատանքները Հայաստանում: Այս հումորային նոտայով համագումարն ավարտեց իր աշխատանքները:

Տեղի ունեցավ նաեւ համագումարի կազմակերպիչների եւ մասնակիցների պագեւատրման արարողություն:

Նշենք, որ NEWS.am Medicine-ը Հայաստանի 4-րդ միջազգային բժշկական համագումարի ինֆորմացիոն հովանավորն էր, եւ օնլայն ռեժիմով լուսաբանում էր տեղի ունեցող իրադարձությունները: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է