58-ամյա Մարիա Լուիզա Ուորնը իր տարիքից շատ ավելի երիտասարդ է երեւում եւ նախընտրում է իր այգում թոփլես արեւայրուկ ընդունել՝ ուրիշ մարդկանց հայացքից չամաչելով: Հարեւանները միշտ բողոքում են նրա այս սովորությունից, իսկ Մարիա Լուիզան հավատացած է, որ նրանք պարզապես նախանձում են:
Ամեն առավոտ Մարիա Լուիզան թոփլես արեւային բաղնիք է ընդունում Ֆրանսիայի հարավ-արեւմուտքում գտնվող գյուղական տարածքում: Իսկ մնացած ժամանակ նա սիրում է կարճ բիկինի հագնել, քանի համոզված է, որ իր կազմվածքն անթերի է:
Չգիտես ինչու նրա վարքագիծը գրեթե ամեն ինչ տեսած Ֆրանսիայում շատ բուռն արձագանք է ստանում: Մարիա-Լուիզայի հարեւանուհիները պնդում են, որ անգլերենի այս ուսուցչուհին նյարդայնացնում է բոլորին գրեթե մերկ ման գալու իր սովորությամբ:
«Լավ եղանակին ես 20 տարի ավելի երիտասարդ եմ երեւում եւ շատ հանգիստ կարող եմ 38 տարեկան երեւալ, - նշում է կինը, - Իմ կուրծքը չի իջել, փորիկ չունեմ, ավելորդ քաշի հետքեր՝ եւս, եւ իմ հասակակիցներից շատերին դա ուղղակի նյարդայնացնում է»
Երբ Մարիա-Լուիզան ամուսնացած էր 100 կիլոգրամ էր կշռում, նա շատ ընկերուհիներ ուներ: Սակայն ամուսնու մահանալուց հետո նա հայտնաբերեց, որ ընկերուհիներն այլեւս չեն ուզում շարունակել շփումը: Կնոջ խոսքով՝ նա տեսավ կանանց ընկերության տգեղ կողմը, որը նրան որեւէ կերպ չի ուրախացնում:
Մարիա-Լուիզան արդեն երկու անգամ ամուսնացած էր եւ երբեք երեխա չէր ունեցել: Նրա մայրն այնքան էր ատում դստերը, որ Մարիա Լուիզան վախենում էր նույն այդ վերաբերմունքը փոխանցել սեփական երեխաներին: Այսօր՝ 60-ամյակից 18 ամիս առաջ նա ցելյլուլիտի նշույլներ չունի, երբեք պլաստիկ վիրաբույժներին չի այցելել եւ բոտոկսի ներարկումներ չի արել: Փոխարենը նա վազում է, ճիշտ սնվում, երբեք ֆասթ ֆուդ չի օգտագործում:
Իսկ հարեւանների համար նա լավ լուր ունի: Տեղի ոստիկանությունից նա իմացել է, որ թոփլես արեւայրուկ ընդունելը օրենքով չի արգելվում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր