Սմարթֆոնների ու Wi-Fi-ի մագնիսային ճառագայթումները կարող են առողջական մի շարք խնդիրներ առաջացնել՝ներառյալ քաղցկեղը, գրում է Electromagnetic Biology & Medicine ամսագիրը:
Գիտնականները հետազոտություն են անցկացրել եւ պարզել, որ մագնիսային ճառագայթումները անլար սարքավորումներից կարող են մարդու օրգանիզմում դիսբալանս առաջացնել: Հետեւանքները կարող են ինչպես աննշան լինել՝ քրոնիկ հոգնածություն, մաշկային բորբոքումներ, գլխացավ, նյութափոխանակության խանգարումներ, բայց կարող են նաեւ ծանր լինել՝ հանգեցնելով, օրինակ, քաղցկեղի:
Բժիշկների խոսքով՝ Wi-Fi-ը օքսիդացնող գործընթացի պատճառ է դառնում, որն էլ հանգեցնում է մարդու մարմնում քաղցկեղային բջիջների գոյացմանը:
Հետազոտության համահեղինակ Իգոր Յակիմենկոյի խոսքով՝ էլեկետրամագնիսական ճառագայթման ազդեցությունը կարող է բացատրել ոչ միայն քաղցկեղի գոյացումը, այլ նաեւ այլ խնդիրներ, որոնց թվում է գլխացավը, մշտական հոգնածությունը եւ նույնիսկ մաշկային բորբոքումները:
«Այս տվյալները խոսում են այն մասին, որ այդ տեսակի ճառագայթումը կարող է վնասակար լինել մարդու առողջության համար», - պնդում է Յակիմենկոն:
Հոդվածում բացատրվում է, որ թթվածինի ռեակտիվ տեսակները շատ հաճախ արտադրվում են բջիջներում ագրեսիվ արտաքին միջավայրի պատճառով, սակայն կարող է նաեւ ճառագայթումների հետեւանք լինել:
2011 թվականին քաղցկեղի ուսումնասիրման միջազգային գործակալությունը բնութագրել է ռադիոալիքները որպես քաղցկեղային նյութերի՝ օրգանիզմ ներթափանցելու հավանական աղբյուր: Սակայն այսպիսի ազդեցության հետեւաքների ստույգ գիտակցության բացակայությունը թույլ չէր տալիս գնահատել իրական ռիսկերը: Այս հետազոտությունը լույս է սփռում ռադիոլաիքների հնարավոր քաղցկեղային էֆեկտի վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր