• Latest news

Ֆեյսբուքի պատճառով կանայք սկսում են վտանգավոր դիետաների հետեւել եւ վնաս են հասցնում սեփական առողջությանը

31 հուլիսի, 2015  21:40

Սոցցանցերով օգտվող կանայք ուրիշների նկարները տեսնելուց հետո շատ հաճախ ծայրահեղ քայլերի են դիմում՝ իրենց արտաքինի հետ կապված ու սկսում են շատ խիստ դիետաների հետեւել՝ որոշակի ցուցանիշներով իրեն ընկերներից հետ չմնալու համար: Այս մասին են հայտնում Հյուսիային Կարոլինայի համալսարանի Բժշկական դպրոցի մասնագետները:

Վերոնշյալ համալսարանի գիտնականների հետազոտությունը ցույց է տալիս, որ երիտասարդ կանայք, որոնք էմոցիոնալ կախում ունեն Facebook-ից, փչացնում են իրենց առողջությունը վտանգավոր դիետաներով: Գիտնականները հետազոտել են 128 ուսանողուհիների սննդակարգային վարքագիծն ու սոցցանցերում անցկացրած ժամանակը, ինչից հետո անմխիթար եզրահանգումների են եկել:

Պարզվեց, որ այն կանայք, որոնք շատ ժամանակ են անցկացնում սոցցանցերում, ավելի հաճախ են համեմատում իրենց մարմինը ուրիշ մարդկանց մարմիններ հետ եւ առողջության համար վտանգավոր դիետաներ ընտրում: Գիտնականների խոսքով՝  համացանցում շփումը թույլ է տալիս ընկերների եւ հարազատների միջեւ կապ պահպանել, բայց որոշ դեպքերում այն կարող է հանգեցնել շատ տխուր հետեւանքների:

«Ես կարծում եմ, որ Facebook-ը իսկապես կարող է սոցիալական աջակցություն ցուցաբերող գործիք լինել: Այդ դեպքում դուք չեք անհանգստանա ձեր մարմնի չափերի պատճառով: Սակայն երբ դուք սկսում եք համեմատվել որեւէ մեկի հետ՝ մանավանդ, մոդելների հետ, դա դրդում է Ձեզ սկսել հետեւել շատ խիստ դիետայի», - պատմեց հետազոտության հեղինակ Սթեֆանի Զերվասը:

Առողջությանը վնաս հասցնող դիետաները շատ են: Դա կարող է լինել սննդից հրաժարվելը, մոնոդիետան (որեւէ մի մթերք ուտելը, օրինակ, ցիտրուսներ), նիհարելու համար կասկածելի դեղեր օգտագործելը եւ մի շարք այլ վտանգավոր միջոցներ: Այս ամենը կարող է հանգեցնել շատ անցանկալի հետեւանքների: 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է