Աշունն արդեն մոտ է, եւ խանութներում տարբեր տեսակի տանձ կա: Տանձ առնելու եւ ուտելու մի քանի պատճառ.
Տանձն օգտակար է ոսկորների համար
Տանձը մեծ քանակությամբ բորի հանքանյութ է պարունակում, որն օրգանիզմին օգնում է կալցիումը ոսկորներում պահել: Այս միրգը նաեւ օգնում է հորմոնների արտադրությանը, ներառյալ՝ էստրոգենի, որը կանխում է ոսկրազանգվածի քայքայմանը: Այս ամենը կարեւոր է հատկապես դաշտանադադար ունեցող կանանց համար:
Տանձը պաշտպանում է դիաբետից
Տանձը նաեւ պոլիֆենոլ է պարունակում, որն ապահովում է երկրորդ տիպի դիաբետի պրոֆիլակտիկան եւ նվազեցնում է արյան մեջ շաքարի մակարդակը:
Տանձն օգտակար է թոքերի համար
Դարեր շարունակ տանձն օգտագործվում է չինական բժշկության մեջ՝ թոքերի հիվանդությունները բուժելու համար: Ամռան ամիսներին մարդու թոքերում հաճախ լորձ է հավաքվում, ինչը շնչարգելություն է առաջացնում: Տանձի հյութը մեղմում է շնչառական խնդիրները:
Տանձն օգտակար է անպտղության դեպքում
Տանձը բազմաթիվ օգտակար սննդարար նյութեր է պարունակում, այդ թվում՝ ֆոլաթթու, որոնք դյուրացնում են բեղմնավորումը: Յուրաքանչյուր մեծ տանձի մեջ շուրջ 14 միկրոգրամ ֆոլատներ կան, որոնք անհրաժեշտ են ի ծնե արատները կանխելու համար:
Տանձն օգտակար է ալերգիայի դեպքում
Հաճախ տանձը երեխայի կյանքի առաջին միրգն է լինում, քանի որ այն հազվադեպ է ալերգիա առաջացնում: Տանձը բնական կվերցետին է պարունակում, որը թեթեւացնում է ալերգիայի նշանները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր