Նիդեռնալդների գիտնականները հերքել են հանրահայտ առասպելն այն մասին, իբրեւ կան որոշ «բախտավորներ», ում խմելուց հետո երբեք չի սպառնում խումհարը: Պարզվում է, որ այս վիճակը, որը պայմանավորված է ոգելից խմիչքով թունավորվելով, անխուսափելի է բոլորի համար:
Ուտրեխտի համալսարանի հետազոտողները ցույց են տվել, որ ընդունված տեսակետն այն մասին, իբրեւ ոգելից խմիչքի սիրահարների 25-35 տոկոսը երբեք չեն ընկնում խումհարի մեջ, քանի որ այսպես ասած բախտավոր աստղի տակ են ծնվել, իրականությանը չի համապատասխանում:
Փորձին մասնակցել է Կանադայի 789 ուսանող, ովքեր կանոնավոր կերպով օգտագործում են ոգելից խմիչք: Նրանք հայտնել են այն մասին, թե ինչ հաճախությամբ, ինչ քանակությամբ ոգելից խմիչք են սովորաբար օգտագործում, ու ինչ ախտանիշներ են ունենում հաջորդ օրն արթնանալիս: Օգտագործելով այս տեղեկությունները ՝ գիտնականները կարողացել են կազմել մարդու խումհարի ախտանիշների վրա արյան մեջ ոգելից խմիչքի խտության ազդեցության անհատական մոդելները:
Ուսանողների 79 տոկոսի մոտ, ովքեր վստահեցնում էին, որ երբեք խումհարի մեջ չեն ընկնում, արյան մեջ ոգելից խմիչքի խտությունը կազմում էր 0.10 տոկոս, ինչն ընդամենը կրկնակի է գերազանցում եվրոպական երկրների մեծ մասում ավտոմեքենա վարելիս վարորդի արյան մեջ ոգելիցի խտության թույլատրելի սահմանը ու շատ քիչ է գերազանցում ԱՄՆ-ում թույլատրվող սահմանը (0.08 տոկոս): Բնական է, որ ոգելից խմիչքի այդքան քիչ խտության դեպքում այդ մարդիկ խումհարի որեւէ նշան չէին զգացել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր